ନୂଆଦିଲ୍ଲୀ : ଏୟାର ଇଣ୍ଡିଆର ବିମାନ ଚଳାଚଳ ସ୍ବଭାବିକ ହୋଇଛି। ତେବେ କେତେକ ବିମାନ ବିଳମ୍ବରେ ଚଳାଚଳ କରୁଛି । ରବିବାର ୧୩୭ଟି ବିମାନ ବିଳମ୍ବରେ ଚଳାଚଳ କରୁଛି । ଶନିବାର ସଫ୍ଟଓୟାର ବନ୍ଦ୍ର ପ୍ରଭାବ ଯୋଗୁଁ ଏହି ବିଳମ୍ବ ଘଟିଛି।
ଏୟାର ଇଣ୍ଡିଆ ପକ୍ଷରୁ କୁହାଯାଇଛି, ବିମାନ ଚଳାଚଳରେ ହାରାହାରି ବିଳମ୍ବର ବ୍ୟବଧାନ ୧୯୭ ମିନିଟ୍ ରହିବ। ବୈଷୟିକ ସମସ୍ୟା ଯୋଗୁଁ ଶନିବାର ଭୋର୍ ୩ଟା ୩୦ ମିନିଟ୍ରୁ ପୂର୍ବାହ୍ନ ୮ଟା ୪୫ ମିନିଟ୍ ପର୍ଯ୍ୟନ୍ତ ଏୟାର୍ ଇଣ୍ଡିଆର ସଫ୍ଟଓୟାର ବନ୍ଦ୍ ରହିବାରୁ ସାରା ବିଶ୍ୱରେ ହଜାର ହଜାର ଯାତ୍ରୀ ବିଭିନ୍ନ ବିମାନ ବନ୍ଦରରେ ଯାତାୟାତ ନେଇ ଅସୁବିଧାର ସମ୍ମୁଖୀନ ହୋଇଥିଲେ। ଏଥିଯୋଗୁଁ ୧୪୯ଟି ବିମାନ ଚଳାଚଳ ବିଳମ୍ବିତ ହୋଇଛି।
