ମୁମ୍ବଇ : ବଲିଉଡ୍ ଅଭିନେତ୍ରୀ ଶ୍ରଦ୍ଧା କପୁରଙ୍କ ଅସୁସ୍ଥତା ଯୋଗୁଁ ବ୍ୟାଡ଼ମିଣ୍ଟନ୍ ଚାମ୍ପିଅନ୍ ସାଇନା ନେହୱାଲଙ୍କ ବାୟୋପିକ୍ ର ସୁଟିଂ ବନ୍ଦ ରହିଛି।
ସୂଚନା ଅନୁସାରେ, ସ୍ୱାସ୍ଥ୍ୟ ପରୀକ୍ଷା କରାଇବା ପରେ ଶ୍ରଦ୍ଧାଙ୍କୁ ଡେଙ୍ଗୁ ଜ୍ୱର ହୋଇଥିବା ଜଣାପଡ଼ିଥିଲା। ଏ ବିଷୟରେ ଜାଣିବା ପରେ ସେପ୍ଟେମ୍ବର ୨୭ ତାରିଖରେ ଶ୍ରଦ୍ଧା ଚଳଚ୍ଚିତ୍ରର ସୁଟିଂ ବନ୍ଦ କରି ଦେଇଥିଲେ। ତେବେ ସେ ଖୁବ୍ଶୀଘ୍ର ସୁସ୍ଥ ହୋଇ ସୁଟିଂ ସେଟ୍ କୁ ଫେରିବେ ବୋଲି ଜଣାପଡ଼ିଛି।
- Advertisement -
ଚଳିତ ବର୍ଷ ଶ୍ରଦ୍ଧାଙ୍କୁ ଦୁଇଟି ଚଳଚ୍ଚିତ୍ରରେ ଦେଖିବାକୁ ମିଳିଛି। ସାହିଦ୍ କପୁରଙ୍କ ଅଭିନୀତ ‘ବତୀ ଗୁଲ୍ ମିଟର୍ ଚାଲୁ’ ଓ ରାଜକୁମାର ରାଓଙ୍କ ‘ସ୍ତ୍ରୀ’ ଫିଲ୍ମରେ ଶ୍ରଦ୍ଧା ନଜର ଆସିଥିଲେ। ତେବେ ଗତ କିଛିଦିନ ହେବ ସେ ସାଇନା ନେହୱାଲଙ୍କ ବାୟୋପିକ୍ ସୁଟିଂ କରୁଥିଲେ ଓ ଆଗକୁ ପ୍ରଭାସଙ୍କ ଅଭିନୀତ ଆକ୍ସନ ଫିଲ୍ମ ‘ସାହୋ’ରେ ମଧ୍ୟ ତାଙ୍କୁ ଦେଖିବାକୁ ମିଳିବ।
