କେନ୍ଦୁଝରଗଡ଼: ଡିଏନ ହାଇସ୍କୁଲ ସମ୍ମୁଖସ୍ଥ ପ୍ରଜାପିତା ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ କେନ୍ଦୁଝର ଶାଖା ପକ୍ଷରୁ ପବିତ୍ର ମହାଶିବରାତ୍ରୀ ଉପଲକ୍ଷେ ବୁଧବାର ଶିବଧ୍ୱଜାକୁ ଜିଲାପରିଷଦ ସଭାପତି ସାଗରିକା ସାହୁ ମୁଖ୍ୟଅତିଥି ଭାବେ ଯୋଗଦେଇ ଉତ୍ତୋଳନ କରିଛନ୍ତି। ସ୍ତ୍ରୀ ଓ ପ୍ରସୂତୀ ରୋଗ ବିଶେଷଜ୍ଞ ଡାକ୍ତର ମମତାରାଣୀ ଜେନା ସମ୍ମାନିତ ଅତିଥି ଭାବେ ଯୋଗଦେଇ ଏହି ଦିବସର ମହତ୍ଵ ସମ୍ପର୍କରେ ମତବ୍ୟକ୍ତ କରିବା ସହ ସମସ୍ତଙ୍କ ଶୁଭକାମନା ଜଣାଇଥିଲେ। କେନ୍ଦୁଝର ଶାଖା କାର୍ଯ୍ୟାଳୟ ସହସଞ୍ଚାଳିକା ବ୍ରହ୍ମାକୁମାରୀ ପ୍ରତିଭା ଏହି ଅବସରରେ ୮୯ତମ ତ୍ରୀମୂର୍ତ୍ତି ଶିବ ଜୟନ୍ତୀ ମହୋତ୍ସବର ଶୁଭକାମନା ପ୍ରଦାନ ଅବସରରେ ବ୍ରହ୍ମାକୁମାରୀ ଓ ବ୍ରହ୍ମାକୁମାରଙ୍କ ପକ୍ଷରୁ ଶିବଙ୍କ ମଙ୍ଗଳ ସନ୍ଦେଶ ପ୍ରଦାନ ସହ ଆଧ୍ୟାତ୍ମିକ ଚେତନା ସମ୍ପର୍କରେ ସଚେତନତା ସୃଷ୍ଟି କରିଥିଲେ। ଅନ୍ୟମାନଙ୍କ ମଧ୍ୟରେ ମୁକୁନା ହାଇସ୍କୁଲ ପ୍ରଧାନଶିକ୍ଷୟିତ୍ରୀ ବ୍ରହ୍ମାକୁମାରୀ ଜୟନ୍ତୀ ଯୋଗଦେଇ ଶିବ ରାତ୍ରିର ମହତ୍ତ୍ୱ ସମ୍ପର୍କରେ ସନ୍ଦେଶ ପ୍ରଦାନ କରିଥିଲେ। କେନ୍ଦୁଝର ଶାଖା କାର୍ଯ୍ୟାଳୟର ସହସଞ୍ଚାଳିକା ବ୍ରହ୍ମାକୁମାରୀ ପ୍ରତିଭାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମ ପରିଚାଳନାରେ ବ୍ରହ୍ମାକୁମାରୀ ସ୍ୱାତୀ, ବିନତା, ମିକୁ, ସରୋଜିନୀ, ମିନତୀ, ବ୍ରହ୍ମାକୁମାର କୁଳମଣୀ, କୃତ୍ତିବାସ, ଲୋକନାଥ, ସତ୍ୟ, ଝରିଲାଲ, ରାଜକିଶୋର, ପିତବାସ, ଜଗବନ୍ଧୁ, ଘନଶ୍ୟାମ ପ୍ରମୁଖ ସହଯୋଗ କରିଥିଲେ। ଅପରାହ୍ନରେ ପ୍ରଜାପିତା ବ୍ରହ୍ମାକୁମାରୀ ଇଶ୍ୱରୀୟ ବିଶ୍ୱବିଦ୍ୟାଳୟ କେନ୍ଦୁଝର ଶାଖାର ବ୍ରହ୍ମାକୁମାରୀ ଓ ବ୍ରହ୍ମାକୁମାର ଜିଲା କାରାଗାରରେ ପହଞ୍ଚି ଶିବ ଧ୍ୱଜ ଉତ୍ତୋଳନ ସହ ସେଠାକାର ଅନ୍ତେବାସୀଙ୍କୁ ପ୍ରସାଦ ବଣ୍ଟନ କରିଥିଲେ।
Popular Categories
Previous article
Next article