ନୂଆଦିଲ୍ଲୀ : ସୋମବାର ମଧ୍ୟ ଭାରତୀୟ ଅଂଶଧନ ବଜାର (ସେୟାର ମାର୍କେଟ)ରେ ହ୍ରାସ ପରିଲକ୍ଷିତ ହୋଇଛି। ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ) ସେନସେକ୍ସ ୫୩୬.୫୮ ପଏଣ୍ଟ ହ୍ରାସ ପାଇ ୩୬,୩୦୫.୦୨ ପଏଣ୍ଟରେ ବନ୍ଦ ହୋଇଛି। ସେହିପରି ଦିଲ୍ଲୀସ୍ଥିତ ନ୍ୟାସନାଲ ଷ୍ଟକ୍ ଏକ୍ସଚେଞ୍ଜ (ନିଫ୍ଟି) ୧୭୫.୭୦ ପଏଣ୍ଟ ହ୍ରାସ ପାଇ ୧୦,୯୬୭.୪୦ ପଏଣ୍ଟରେ ରହିଛି। ଏହା ପୂର୍ବରୁ ଶୁକ୍ରବାର ସେନସେକ୍ସ ୧୫୦୦ ପଏଣ୍ଟ ପର୍ଯ୍ୟନ୍ତ ହ୍ରାସ ପାଇଥିଲା। ଶୁକ୍ରବାରଠାରୁ ସେୟାର ବଜାରରେ ଆଉ ସୁଧାର ପରିଲକ୍ଷିତ ହୋଇନାହିଁ। ସୋମବାର ଡଲାର ତୁଳନାରେ ଟଙ୍କା ମୂଲ୍ୟ ୨୯ ପଇସା ଦୁର୍ବଳ ହୋଇଛି। ଏହାସହ ଏକ ଡଲାର ମୂଲ୍ୟ ୭୨.୪୯ ଟଙ୍କାରେ ପହଞ୍ଚିଛି। ଟଙ୍କା ଦୁର୍ବଳ ହେବା ଯୋଗୁଁ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଇଛି। ଆମେରିକା-ଚୀନ ବାଣିଜ୍ୟ ଯୁଦ୍ଧ ଓ ଅନ୍ତର୍ଜାତୀୟ ବଜାରରେ ମାନ୍ଦା କାରବାରର କୁପ୍ରଭାବ ସେୟାର ମାର୍କେଟ ଉପରେ ପଡ଼ିଛି ବୋଲି ବିଶେଷଜ୍ଞମାନେ ମତବ୍ୟକ୍ତ କରିଛନ୍ତି। ସୋମବାର ସେୟାର ବଜାର କାରବାରରେ ଟିସିଏସ୍, କୋଲ ଇଣ୍ଡିଆ ଭଳି କମ୍ପାନୀ ଭଲ ଲାଭ କରିଥିବାବେଳେ ଏଚ୍ଡିଏଫସି, ଏମ୍ଆଣ୍ଡଏମ୍, ଇଚର ମୋଟର୍ସ ଏବଂ ଇଣ୍ଡିଆବୁଲ୍ସ ହାଉସିଂ ଭଳି କମ୍ପାନୀଗୁଡ଼ିକର ବହୁ କ୍ଷତି ଘଟିଛି।
Popular Categories
Previous article
Next article