ସାକ୍ଷୀଗୋପାଳ: ସତ୍ୟବାଦୀ ବ୍ଲକ ପୁରୁଣା ବୁଢ଼ାକେରା ଗ୍ରାମର ଗନ୍ଧର୍ବ ପରିଡା ୪ବର୍ଷ ହେଲା ଶଯ୍ୟାଶାୟୀ । ସାମୁଦ୍ରିକ ଫନି ବାତ୍ୟା ସମୟରେ ଗୁହାଳରୁ ଗାଈଙ୍କୁ ଫିଟେଇବାକୁ ଯାଇଥିବା ସମୟରେ ଗୁହାଳ ଉପରେ ଏକ ନଡ଼ିଆ ଗଛ ପଡିଯାଇଥିଲା। ଏଥିରେ ସେ ଗୁରୁତର ଆହତ ହୋଇଥିଲେ। ଏହାପରେ ଭୁବନେଶ୍ୱର ଏମ୍ସରେ ଚିକିତ୍ସି ହୋଇଥିଲେ, କିନ୍ତୁ ଅଣ୍ଟାଠୁ ଗୋଡ଼ ପର୍ଯ୍ୟନ୍ତ ଅକାମି ହେଇ ରହିଗଲା । ଝାଡା ପରିଶ୍ରା ମଧ୍ୟ ଠିକ୍ରେ ହେଉନି। ମାସକୁ ପ୍ରାୟ ୨୦୦୦ ଟଙ୍କାର ଔଷଧର ଆବଶ୍ୟକତା ରହିଛି। ଘରର ମୁରବୀ ରୋଗ ଶଯ୍ୟାରେ। ଆଗରୁ ବିଲ ବାଡ଼ି ଚାଷ କରି ପରିବାର ପ୍ରତିପୋଷଣ କରୁଥିଲେ। ଏବେ ପରିବାର ଭୋକ ଉପାସରେ ଜୀବନ ଅତିବାହିତ କରୁଛନ୍ତି। ବନ୍ଧୁ ବାନ୍ଧବ ଓ ଗାଁ ଗଣ୍ଡାରୁ ଯାହା ସାହାଯ୍ୟ ମିଳୁଛି ସେଥିରେ ଚଳୁଛନ୍ତି। ବଡ଼ ଝିଅ ମାନସୀ ପରିଡା ଯୁକ୍ତ ୩ ଓ ପୁଅ ଶୁଭଙ୍କର ପରିଡା ଦଶମ ଶ୍ରେଣୀରେ ପାଠ ପଢୁଛନ୍ତି। ଏହି ଦୁଃଖ କଷ୍ଟ ଭିତରେ ପତ୍ନୀ ମନି ପରିଡା ସ୍ୱାମୀଙ୍କ ଔଷଧ ଖର୍ଚ୍ଚ ଓ ପରିବାର ପ୍ରତିପୋଷଣ କରିବା ପାଇଁ ବିରି ବଡ଼ି ପ୍ୟାକେଟ କରି ବିକ୍ରି କରୁଛନ୍ତି। ସେଥିରୁ ଯାହା ଦୁଇ ପଇସା ରୋଜଗାର ହେଉଛି ସେଥିରେ ବହୁ କଷ୍ଟରେ ଚଳୁଛି ପରିବାର। ଗନ୍ଧର୍ବଙ୍କ ଅଧିକ ଚିକିତ୍ସା ସାଙ୍ଗକୁ ଏହି ଅସହାୟ ପରିବାରକୁ ସାହାଯ୍ୟ ପାଇଁ ସରକାର ଦୃଷ୍ଟି ଦେବାକୁ ନିବେଦନ କରିଛନ୍ତି ସାହି ପଡ଼ିଶା ଓ ଗ୍ରାମବାସୀ।
Popular Categories
Previous article
Next article