ନୂଆଦିଲ୍ଲୀ : ଶ୍ରଦ୍ଧା କପୁରଙ୍କ ୩୨ତମ ଜନ୍ମଦିନ ଅବସରରେ ରବିବାର ପ୍ରଭାସ-ଶ୍ରଦ୍ଧାଙ୍କ ଅଭିନୀତ ଚଳଚ୍ଚିତ୍ର ‘ସାହୋ’ର ଦ୍ୱିତୀୟ ଟିଜର ରିଲିଜ୍ ହୋଇଛି। ୧ ମିନିଟ୍ ୨ ସେକେଣ୍ଡର ଏହି ଟିଜରରେ ଶ୍ରଦ୍ଧା କପୁରଙ୍କ ଝଲକ୍ ଦେଖିବାକୁ ମିଳିଛି। ସାଧାରଣ ରୂପ ସହ ଶ୍ରଦ୍ଧାଙ୍କର ଆକ୍ସନ ଅବତାର ଏଥିରେ ନଜର ଆସିଛି। ଆଖିରେ କ୍ରୋଧ ଓ ହାତରେ ବନ୍ଧୁକ ଧରି ସେ ଖୁବ୍ ପ୍ରଭାବଶାଳୀ ଲାଗୁଛନ୍ତି। ଟିଜରରେ ପ୍ରଭାସଙ୍କ ଆକର୍ଷଣୀୟ ଆକ୍ସନ ସିନ୍ ମଧ୍ୟ ଦେଖିବାକୁ ମିଳିଛି। ସୂଚନା ଅନୁସାରେ, ଚଳଚ୍ଚିତ୍ରକୁ ହିନ୍ଦୀ ଓ ତେଲୁଗୁ ଭାଷାରେ ସୁଟ୍ କରାଯାଉଛି ଓ ଏହା ଚଳିତ ବର୍ଷ ୧୫ ଅଗଷ୍ଟରେ ମୁକ୍ତିଲାଭ କରିବ।
ଉଲ୍ଲେଖଯୋଗ୍ୟ, ପୂର୍ବରୁ ୨୩ ଅକ୍ଟୋବରରେ ପ୍ରଭାସଙ୍କ ୩୯ତମ ଜନ୍ମଦିନ ଅବସରରେ ମଧ୍ୟ ‘ସେଡ଼୍ସ ଅଫ୍ ସାହୋ’ ର ଏକ ଟିଜର ରିଲିଜ୍ ହୋଇଥିଲା। ଏହି ଚଳଚ୍ଚିତ୍ରରେ ପ୍ରଭାସ ଓ ଶ୍ରଦ୍ଧାଙ୍କ ବ୍ୟତୀତ ନୀଲ୍ ନିତିନ ମୁକେଶ, ଜ୍ୟାକି ଶ୍ରଫ୍, ମନ୍ଦିରା ବେଦୀ, ମହେଶ ମାଞ୍ଜରେକର୍ ଓ ଚଙ୍କୀ ପାଣ୍ଡେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ଏହାର ନିର୍ଦ୍ଦେଶନା ଭାର ସୁଜିତ୍ ବହନ କରିଛନ୍ତି।
