ନୂଆଦିଲ୍ଲୀ : ଜାରି ରହିଛି ରୁଷ- ୟୁକ୍ରେନ ମଧ୍ୟରେ ଯୁଦ୍ଧ। ୟୁକ୍ରେନରେ ଯୁଦ୍ଧ ସଙ୍କଟ ମଧ୍ୟରେ ଏଠାରେ ସମସ୍ତେ ନିଜ ଜୀବନ ରକ୍ଷା କରିବାକୁ ପ୍ରୟାସ ଜାରି ରଖିଛନ୍ତି। ଏହାମଧ୍ୟରେ ଏକ ଏଭଳି ଦୃଶ୍ୟ ଦେଖିବାକୁ ମିଳିଛି ଯାହାକୁ ଦେଖି ଲୋକେ ଖୁସି ହେବା ସହ ମାନବିକତା ଶବ୍ଦର ଅର୍ଥକୁ ଅନୁଭବ କରିଛନ୍ତି। ହିଣ୍ଡନ ବିମାନଘାଟିରେ ନିଜ ପୋଷା ଜନ୍ତୁଙ୍କ ପାଇଁ ଭଲ ପାଇବାର ଦୃଶ୍ୟ ଦେଖିବାକୁ ମିଳିଛି। ୨ ଭାରତୀୟ ଛାତ୍ର ନିଜ ସହ ନିଜର ପୋଷା ଜନ୍ତୁଙ୍କୁ ମଧ୍ୟ ସୁରକ୍ଷିତ ଭାବେ ଭାରତ ଫେରାଇ ଆଣିଛନ୍ତି।
ୟୁକ୍ରେନର ପରିସ୍ଥିତି ଜଟିଳ ହେବାକୁ ଲାଗିଛି। ଭାରତ ସରକାର ସେଠାରେ ଫସି ରହିଥିବା ଭାରତୀୟଙ୍କୁ ଫେରାଇ ଆଣିବାକୁ ପ୍ରୟାସ ଜାରି ରଖିଛି। ଏଭଳି ପରିସ୍ଥିତିରେ ୟୁକ୍ରେନରୁ ଏକ ବିମାନ ହିଣ୍ଡନ ବିମାନଘାଟିରେ ପହଞ୍ଚିଲା, ବିମାନରେ ଥିବା ଯୁବକଙ୍କ ସହ ଏକ ବିଲେଇ ଦେଖିବାକୁ ମିଳିଥିଲା। ଏହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ। ଅନ୍ୟ ଜଣେ ଛାତ୍ର ନିଜ ସହ ସାଙ୍ଗରେ କୁକୁରକୁ ଆଣିଥିଲେ।
ହିଣ୍ଡନ ବିମାନ ଘାଟିରେ ପହଞ୍ଚି ଯାତ୍ରୀ ଜଣଙ୍କ କହିଥିଲେ, ସେ ତାଙ୍କର ପୋଷା ବିଲେଇ। ବିଲେଟି ତାଙ୍କ ସହ ଦୀର୍ଘ ୪ ବର୍ଷ ହେବ ରହୁଛି। ୟୁକ୍ରେନରେ ଜଟିଳ ପରିସ୍ଥିତିରେ ଥିବା ସମୟରେ ମଧ୍ୟ ସେ ବିଲେଇଟିକୁ ନିଜ ସହ ରଖିଥିଲେ। ନିଜ ସହ ବିଲେଇକୁ ସୁରକ୍ଷିତ ଭାବେ ଆଣି ସେ ସ୍ୱଦେଶ ଫେରିଛନ୍ତି।
ଅନ୍ୟ ଜଣେ ଛାତ୍ର ନିଜ ସହ କୁକୁରକୁ ଆଣିଥିବାର ବିମାନଘାଟିରେ ଦେଖାଯାଇଥିଲା। ସେ କହିଥିଲେ,କୁକୁରଟି ତାଙ୍କ ସାଙ୍ଗର। ଯୁଦ୍ଧର ପରିସ୍ଥିତରେ ସେ କୁୁକୁରଟିକୁ ସେଠାରେ ଛାଡି ପାରି ନଥିଲେ। ୟୁକ୍ରେନରେ ଅଧିକାଂଶ ଲୋକଙ୍କ ନିକଟରେ କୁୁକୁର ଥିଲା। ମାତ୍ର ସେମାନେ ଛାଡି ପଳାଉଥିଲେ। ମାତ୍ର ସେ କୁକୁରଟି ସାଙ୍ଗରେ ନେଇ ଆସିଛନ୍ତି।
Comments are closed.