ଭୁବନେଶ୍ବର : ରୟାଲ ଏନଫିଲ୍ଡ ଅନେକ ସମୟ ଧରି ନିଜ ହିମାଲୟନ ଇଲେକ୍ଟ୍ରିକ୍ ବାଇକର ଟେଷ୍ଟିଂ କରିଆସୁଛି । କମ୍ପାନୀ ଏହି ଆଡଭେଞ୍ଚର ବାଇକକୁ ପାହାଡ ଅଞ୍ଚଳରେ, ଖାସ୍ କରି ଲଦାଖ୍ ଭଳି ରାସ୍ତାରେ ଟେଷ୍ଟିଂ କରୁଛି । ପୂର୍ବରୁ କମ୍ପାନୀ ପ୍ରି-ପ୍ରଡକ୍ସନ ମଡେଲର କିଛି ଫଟୋ ସେୟାର କରିଥିଲା । ଏବେ ସାମ୍ନାକୁ ଆସିଥିବା ଫଟୋ ଏସମ୍ପର୍କରେ ଅଧିକ ତଥ୍ୟ ବଖାଣୁଛି ।
ବାଇକରେ ୟୁଏସଡି ଫ୍ରଣ୍ଟ ଫୋକର୍ସ, ରିୟର ମୋନୋ-ଶକ୍, ଡିସ୍କ ବ୍ରେକ୍ ଓ ଏକ ନୂଆ ଡିଜିଟାଲ ଇନଷ୍ଟ୍ରୁମେଣ୍ଟ କ୍ଲଷ୍ଟର ଦିଆଯାଇଛି । ଏଥିରେ ଭିନ୍ନ ଭିନ୍ନ ରାଇଡ୍ ମୋଡସ ମିଳିବ । ବାଇକରେ ୧୪ କିଲୋଓ୍ବାଟର ବ୍ୟାଟେରୀ ପ୍ୟାକ୍ ଅନ୍ ବୋର୍ଡ ଚାର୍ଜର ସହିତ ଦିଆଯିବ । ବାଇକରେ ଅଲ୍ ଇଲେକ୍ଟ୍ରିକ୍ ସେଟଅପ୍ ମିଳିବ । ଲାଟେଷ୍ଟ ଫଟୋରେ ବାଇକକୁ ଏଲଇଡି ହେଡଲ୍ୟାମ୍ପ, ଟଲ ଓ୍ବିଣ୍ଡସ୍କ୍ରିନ୍, ବ୍ଲାକ୍ ସିଲଭର ସାଇଡ୍ ପ୍ୟାନେଲ୍ ଓ ନୂଆ ଏଲଇଡି ଇଣ୍ଡିକେଟର୍ସ ସହିତ ଦେଖିବାକୁ ମିଳିଛି । ଲମ୍ବା ସିଟ୍, ରିୟର ଲଗେଡ୍ ରାକ୍, ଗୋଲ୍ଡେନ୍ ସ୍ପୋକ୍ ଟାୟାର୍ ମିଳିବ । ଏହାର ମୋଟର ପ୍ରାୟ ୧୦୦ ବିଏଚପିର ପାଓ୍ବର ଦେବ ବୋଲି ସୂଚନା ମିଳିଛି ।
