ରାଉରକେଲା: ରାଉରକେଲାର ପାନପୋଷ ଛକରେ ବଡ଼ ଧରଣର ଅଘଟଣ ଘଟିଛି । ଏକ ମିଠା ଦୋକାନରେ ନିଆଁ ଲାଗିଯିବା ଫଳରେ ଜଣଙ୍କର ମୃତ୍ୟୁ ହୋଇଛି । ଅଗ୍ନିକାଣ୍ଡରେ ୨ଜଣ ଆହତ ମଧ୍ୟ ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ସିଲିଣ୍ଡର ଫାଟି ଦୋକାନରେ ନିଆଁ ଲାଗିଯାଇଥିବା ସୂଚନା ଦିଆଯାଇଛି ।
ସୂଚନା ଅନୁଯାୟୀ, ଓମ ସୁଇଟ୍ସ ନାମକ ଏକ ମିଠା ଦୋକାନରେ ଗ୍ୟାସ ଲିକ୍ ଯୋଗୁ ରୋଷେଇ ଘରେ ନିଆଁ ଲାଗି ଯାଇଥିଲା । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା l ବିଭିନ୍ନ କର୍ମଚାରୀ ବାହାରିବାରେ ସଫଳ ହୋଇଥିବା ବେଳେ ମୁଖ୍ୟ ରୋଷେୟା ଅରୁଣ କୁମାର ବାହାରକୁ ବାହାରି ପାରିନଥିଲେ l ଫଳରେ ନିଆରେ ପୋଡି ହୋଇ ତାଙ୍କର ମୃତ୍ୟୁ ଘଟିଛି l
