ମୁମ୍ବଇ: ଲୋକପ୍ରିୟ ବଲିଉଡ଼ ଅଭିନେତା ଋଷି କପୁରଙ୍କର ଗୁରୁବାର ମୁମ୍ବଇରେ ପରଲୋକ ଘଟିଛି। ତାଙ୍କ ବିୟୋଗରେ ନେତାଠରୁ ଆରମ୍ଭ କରି ଅଭିନେତା ପର୍ଯ୍ୟନ୍ତ ସମସ୍ତଙ୍କୁ ଏକ ଶକ୍ତ ଧକ୍କା ଲାଗିଛି। ଅନେକ ବିଶିଷ୍ଟ ବ୍ୟକ୍ତି ଏବଂ କଳାକାରମାନେ ସାମାଜିକ ଗଣମାଧ୍ୟମ ଜରିଆରେ ଶୋକ ବ୍ୟକ୍ତ କରିଛନ୍ତି। ଋଷି ନିଜ କ୍ୟାରିୟରରେ ଦର୍ଶକଙ୍କୁ ଅନେକ ସୁପରହିଟ୍ ଚଳଚ୍ଚିତ୍ର ଭେଟି ଦେଇଛନ୍ତି। ସେ ଅନେକ ଚଳଚ୍ଚିତ୍ର ତ କରିଛନ୍ତି, କିନ୍ତୁ ତାଙ୍କ ଚଳଚ୍ଚିତ୍ରରେ ଅନେକ ହିଟ୍ ଗୀତ ଥିଲା ଯାହା ଆଜି ମଧ୍ୟ ଲୋକଙ୍କ ହୃଦୟରେ ତାଜା ହୋଇ ରହିଛି। ତାଙ୍କର ସେହି ସବୁ ଗୀତ ଶୁଣିଲେ ସେହି ପ୍ରତିଭାଶାଳୀ ବ୍ୟକ୍ତିତ୍ୱଙ୍କ ଚେହେରା ଆଖି ଆଗରେ ଝଲସିଯାଏ। ତେବେ ଆସନ୍ତୁ ଶୁଣିବା ଋଷିଙ୍କ ଅଭିନୀତ ଚଳଚ୍ଚିତ୍ରର କିଛି ହିଟ୍ ଗୀତ –
https://youtu.be/9UPBY7Axg88
https://youtu.be/nIngyZEsXmI
https://youtu.be/MEyhXZk0kNM
https://youtu.be/hUde7UxFkAc
ସୂଚନାଯୋଗ୍ୟ, ବୁଧବାର ରାତିରେ ଋଷି କପୁରଙ୍କୁ ଶ୍ୱାସକ୍ରିୟାରେ କଷ୍ଟ ଅନୁଭୂତ ହୋଇଥିଲା, ତେଣୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ସମୟରେ ଡାକ୍ତରଖାନାରେ ତାଙ୍କ ପତ୍ନୀ ନିତୁ ସିଂହ, ଭାଇ ରଣଧୀର କପୁରଙ୍କ ସମେତ ପରିବାରର ଅନ୍ୟାନ୍ୟ ସଦସ୍ୟ ଉପସ୍ଥିତ ଥିଲେ। ଗୁରୁବାର ସେ ଶେଷ ନିଃଶ୍ୱାସ ତ୍ୟାଗ କଲେ ଓ ସବୁଦିନ ପାଇଁ ଦୁନିଆରୁ ଅଲବିଦା କହିଗଲେ।
