ଚେନ୍ନାଇ : ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିନ ଉପଲକ୍ଷେ ତାମିଲନାଡୁରେ ଜନ୍ମ ହୋଇଥିବା ଏକ ନବଜାତ ଶିଶୁକୁ ବିଜେପି ନେତା ସୁନା ମୁଦି ଉପହାର ଦେଇଛନ୍ତି। ତାମିଲନାଡୁ ବିଜେପି ଅଧ୍ୟକ୍ଷ ଟି ସୁନ୍ଦରରାଜନ ପୁରେସାକମ୍ ସ୍ଥିତ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ନବଜାତ ଶିଶୁକୁ ଏହି ସୁନା ମୁଦି ଦେଇଥିଲେ।
ସୁନ୍ଦରରାଜନଙ୍କ କହିବା ଅନୁସାରେ ମୋଦୀଙ୍କ ଜନ୍ମଦିନରେ ଯେଉଁ ଶିଶୁ ଜନ୍ମ ଗ୍ରହଣ କରିବ ସମସ୍ତଙ୍କୁ ସୁନା ମୁଦି ଦିଆଯିବ ବୋଲି ଘୋଷଣା କରାଯାଇଥିଲା। ମୁଁ ଜଣେ ନବଜାତ ଶିଶୁକୁ ସୁନା ମୁଦି ଦେଇଛିି ବୋଲି ଏକ ଆଞ୍ଚଳିକ ଖବର ସଂସ୍ଥାକୁ ସୂଚନା ଦେଇଛନ୍ତି। ଅନ୍ୟ ୧୭-୧୮ ଶିଶୁଙ୍କୁ ଉପହାର ଦିଆଯାଇଛି। ତାମିଲନାଡୁ ବିଜେପି ମୁଖ୍ୟ ପେସାରେ ଜଣେ ଡାକ୍ତର। ଶିଶୁକୁ ମୁଦି ଦେଇ ସେ ଟୁଇଟରରେ ଅପଲୋଡ କରିଥିଲେ। ପ୍ରଧାନମନ୍ତ୍ରୀଙ୍କ ଜନ୍ମ ଦିନରେ ବିଜେପି ତରଫରୁ ସମଗ୍ର ଦେଶରେ ବହୁ କାର୍ଯ୍ୟକ୍ରମ ଆୟୋଜନ କରାଯାଇଛି।
