ବିନା ଅନୁମତିରେ ରାଲି, ଗମ୍ଭୀରଙ୍କ ବିରୁଦ୍ଧରେ ଏତଲା ରୁଜ୍ଜୁ ପାଇଁ ନିର୍ଦ୍ଦେଶ

ନୂଆଦିଲ୍ଲୀ: ବିନା ଅନୁମତିରେ ରାଲି ଏବଂ ସାଧାରଣ ସଭା କରିବା ଅଭିଯୋଗରେ ପୂର୍ବ ଦିଲ୍ଲୀ ନିର୍ବାଚନ ଅଧିକାରୀ ବିଜେପି ପ୍ରାର୍ଥୀ ଗୌତମ ଗମ୍ଭୀରଙ୍କ ବିରୁଦ୍ଧରେ ଏତଲା ଦାୟର କରିବାକୁ ପୁଲିସକୁ ନିର୍ଦ୍ଦେଶ ଦେଇଛନ୍ତି। ପୂର୍ବ ଦିଲ୍ଲୀ ଲୋକସଭା ଆସନରୁ ବିଜେପି ପ୍ରାର୍ଥୀ ହୋଇଥିବା କ୍ରିକେଟର ଗୌତମ ଗମ୍ଭୀର ଆପର ଅତିଶି ଏବଂ କଂଗ୍ରେସର ବରିଷ୍ଠ ନେତା ଅରବିନ୍ଦର ସିଂହ ଲଭଲିଙ୍କ ବିପକ୍ଷରେ ପ୍ରତିଦ୍ବନ୍ଦିତା କରୁଛନ୍ତି। ପୂର୍ବ ଦିଲ୍ଲୀ ସଂସଦୀୟ କ୍ଷେତ୍ର ଦାୟିତ୍ୱରେ ଥିବା ନିର୍ବାଚନ ଅଧିକାରୀ କେ. ମହେଶ ଏହି ଘଟଣାରେ ତଥ୍ୟ ସଂଗ୍ରହ ସହ ଗମ୍ଭୀରଙ୍କ ବିରୁଦ୍ଧରେ ଏତଲା ଦାୟର ପାଇଁ କହିଛନ୍ତି।

ସୂଚନା ଯୋଗ୍ୟ, ଗମ୍ଭୀର ସ୍ଥାନୀୟ ପୁଲିସ ଠାରୁ କୌଣସି ଅନୁମତି ନ ନେଇ ଜଙ୍ଗପୁରାରେ ରାଲି ଓ ସଭା କରିଥିଲେ। ତାଙ୍କ ନାମ ଦୁଇଟି ସ୍ଥାନରେ ଭୋଟର ତାଲିକାରେ ଥିବା ନେଇ ପୂର୍ବରୁ ଆମ ଆଦମୀ ପାର୍ଟି ଅଭିଯୋଗ କରିଥିଲା।