ରେଙ୍ଗାଲିକ୍ୟାମ୍ପ: ଦୁର୍ଘଟଣା ପରେ ଦୁର୍ଘଟଣା ଘଟି ମୁଣ୍ଡ ଗଡ଼ି ଚାଲିଛି । ଗୋଟିଏ ଦୁର୍ଘଟଣାର ବିଭୀଷିକା ଆଖିରୁ ନ ଲିଭୁଣୁ ପୁଣି ଏକ ଦୁର୍ଘଟଣାର ଦୃଶ୍ୟ ଅତାବିରା ଅଞ୍ଚଳର ଲୋକଙ୍କ ନିଦ ହଜାଇ ଦେଇଛି । ମଙ୍ଗଳବାର ମଧ୍ୟାହ୍ନ ପ୍ରାୟ ୧୨ଟାରେ ଅତାବିରା ବସ୍ ଷ୍ଟାଣ୍ଡରେ ପୁଣି ଏକ ଟ୍ରକ୍ ଦୁର୍ଘଟଣାରେ ଜଣକର ମୃତ୍ୟୁ ଘଟିଛି । ଅତାବିରା ବ୍ଲକ ଅନ୍ତର୍ଗତ ସିଂହପାଲି ଗ୍ରାମରେ ଘରଜ୍ବାଇଁ ଭାବରେ ରହୁଥିବା ସରୋଜ ଭୁଏ(୩୭) ପାଦରେ ଚାଲି ରାସ୍ତା ପାରି କରୁଥିବା ସମୟରେ ବରଗଡ଼ରୁ ସମ୍ବଲପୁର ଅଭିମୁଖେ ଯାଉଥିବା ଏକ କଣ୍ଟେନର ଧକ୍କା ଦେବ ଫଳରେ ସରୋଜ ପଡିଯାଇ ତାଙ୍କ ମୁଣ୍ଡରେ ଗୁରୁତର ଆଘାତ ଲାଗିଥିଲା । ବହୁ ପରିମାଣରେ ରକ୍ତ ବହିଯାଇଥିଲ । ସ୍ଥାନୀୟ ଲୋକଙ୍କ ସୂଚନାକ୍ରମେ ପୁଲିସ ଘଟଣା ସ୍ଥଳରେ ପହଞ୍ଚି ତାଙ୍କୁ ନିକଟସ୍ଥ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ପରିବାର ବର୍ଗ ପହଞ୍ଚିଲା ପରେ ପୁଲିସ ବ୍ୟବଚ୍ଛେଦ ପାଇଁ ବରଗଡ ପଠାଇଥିଲା । ବ୍ୟବଚ୍ଛେଦ ପରେ ମୃତଦେହ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ଜଣାପଡ଼ିଛି । ତେବେ ସରୋଜ ଛତିଶଗଡ଼ ମୂଳ ବାସିନ୍ଦା କିନ୍ତୁ ଦୀର୍ଘ ବର୍ଷ ହେଲା ସିଂହପାଲିରେ ରହି ଆସୁଥିଲେ । ପୁଲିସ କଣ୍ଟେନରକୁ ଜବତ କରିବା ସହ ଚାଳକଙ୍କୁ ମଧ୍ୟ ଗିରଫ କରିଛି ।
Comments are closed.