ସାଧାରଣତଃ ଘରେ ମୂଷା ରହିଲେ ସମସ୍ତ ଜିନିଷପତ୍ର ନଷ୍ଟ ହେବା ସୁନିଶ୍ଚିତ। ତେଣୁ ଘରେ ମୂଷା ଦେଖିବା ମାତ୍ରେ ହିଁ ଆମ ଚିନ୍ତା ବଢିଯାଏ। ବେଳେବେଳେ ତାଙ୍କୁ ଘରୁ ବାହାର କରିବା ପାଇଁ ଯେତେ ବାଟ ଆପଣାଇଲେ ମଧ୍ୟ କୌଣସି ଫଳ ମିଳି ନ ଥାଏ। ହେଲେ ଏପରି କିଛି ଘରୋଇ ଉପାୟ ଅଛି, ଯାହାକୁ ଆପଣାଇଲେ ଘର ଆଖପାଖରେ ମଧ୍ୟ ମୂଷା ନଜର ଆସିବେନି। ଆସନ୍ତୁ ଜାଣିବା ମୂଷା ପ୍ରାଦୁର୍ଭାବରୁ ରକ୍ଷା ପାଇବାର ଘରୋଇ ଉପାୟ ବିଷୟରେ –
୧. ମୂଷାକୁ ଘରୁ ବାହାର କରିବା ପାଇଁ ପିଆଜ ବ୍ୟବହାର କରନ୍ତୁ। ମୂଷାମାନଙ୍କୁ ପିଆଜର ଗନ୍ଧ ପସନ୍ଦ ହୋଇ ନଥାଏ। ଘରର ଯେଉଁଠି ମୂଷା ଥିବା ଦେଖୁଛନ୍ତି ସେଠାରେ ପିଆଜର ଏକ ଖଣ୍ଡ ରଖିଦିଅନ୍ତୁ। କିଛି ଦିନ ପରେ ପ୍ରଭାବ ଜାଣି ପାରିବେ।
୨. ଘରର ଯେଉଁଠି ମୂଷା ଦେଖୁଛନ୍ତି ସେଠାରେ ଗୋବର ରଖନ୍ତୁ। ଗୋବରକୁ ଖାଇବା ପରେ ମୂଷା ପେଟରେ ସଂକ୍ରମଣ ହେବା ସହ ସେ ମରି ଯାଇଥାଏ।
୩. ତେଜପତ୍ରର ସୁଗନ୍ଧ ମୂଷାମାନଙ୍କୁ ମିଠା ଲାଗୁଥିବା ବେଳେ ସେମାନେ ତେଜପତ୍ରକୁ ଖାଇ ଦେଇଥାଆନ୍ତି। ଏହାକୁ ଖାଇବାର କିଛି ସମୟ ପରେ ସେ ମୃତ୍ୟୁବରଣ କରିଥାନ୍ତି । ଘରୁ ମୂଷାକୁ ବାହାର କରିବା ପାଇଁ ତେଜପତ୍ରର ବ୍ୟବହାର ମଧ୍ୟ କରିପାରିବେ ।
୪. ଗୋଲ ମରିଚ ଗୁଣ୍ଡକୁ ପାଣିରେ ମିଶାଇ ମୂଷା ରହୁଥିବା ସ୍ଥାନରେ ସ୍ପ୍ରେ କରନ୍ତୁ। ଏହାଦ୍ବାରା ମୂଷା ଘର ଛାଡ଼ି ଚାଲିଯିବେ।
