ରାମନାଗୁଡା: ରାୟଗଡା ଜିଲା ରାମନାଗୁଡା ମୁଖ୍ୟ ବଜାରରେ ଗତ କିଛି ଦିନ ତଳେ ଅନ୍ୟ ସହରର ଦୂରତା ଜାଣିବା ନିମନ୍ତେ ଏକ ପିଲର ନିର୍ମାଣ କରି ଉପରି ଭାଗରେ ପୂର୍ତ୍ତ ବିଭାଗ ପକ୍ଷରୁ ଦୂରତା ହୋର୍ଡିଂ ଲଗା ଯାଇଥିଲା। କିନ୍ତୁ ଦୁର୍ଭାଗ୍ୟର ବିଷୟ ଯେ ଲଗାଇବାର କମ ଦିନ ମଧ୍ୟରେ ଉକ୍ତ ହୋର୍ଡିଂଟି ଚିରି ଯାଇ ନଷ୍ଟ ହୋଇଯାଇଛି। ଏହା ଜାତୀୟ ରାଜପଥ ହୋଇଥିବା ସତ୍ତ୍ବେ ମାଳ ମାଳ ନେତା ମନ୍ତ୍ରୀ ଓ ଜିଲାସ୍ତରୀୟ ଅଧିକାରୀ କାହାରି ଏଥିପ୍ରତି ଦୃଷ୍ଟି ନଥିବା ଅଭିଯୋଗ ହେଉଛି। ଏହି ଚିରି ଯାଇଥିବା ଦୂରତା ସୂଚନା ଫଳକର ହୋର୍ଡିଂ ଉପରେ ପ୍ରଶାସନର ନଜର ପଡୁଛି କି ନାହିଁ ତାହା ଏବେ ସନ୍ଦେହ ଘେରରେ। ରାମନାଗୁଡାରେ ପୂର୍ତ୍ତ ବିଭାଗର କାର୍ଯ୍ୟାଳୟ ଅଛି କିନ୍ତୁ ଯନ୍ତ୍ରୀଙ୍କ ଦେଖା ମିଳୁନି। କିଏ ଏଠାକାର ଦାୟିତ୍ୱରେ ଅଛନ୍ତି ତାହା ମଧ୍ୟ କାହା ପାଖରେ ଖବର ନାହିଁ । ଉକ୍ତ ଦୂରତା ସୂଚନା ଫଳକ ହୋର୍ଡିଂ ଚିରି ଯାଇ ନଷ୍ଟ ହୋଇଥିବା ଘଟଣା ସମ୍ପର୍କରେ ଅଭିଯୋଗ କରିବା ପାଇଁ ରାମନାଗୁଡା ସ୍ଥିତ କାର୍ଯ୍ୟାଳୟକୁ ଗଲେ କାହାରି ଦେଖା ମିଳୁନି । ତେଣୁକରି ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଆକର୍ଷଣ କରି ଏହି ସମସ୍ୟାର ସମାଧାନ କରିବା ପାଇଁ ସାଧାରଣରେ ଦାବି ହେଉଛି।
Popular Categories
Previous article
Next article