ନୂଆଦିଲ୍ଲୀ : ଭାରତ ମୋବିଲିଟି ଗ୍ଲୋବାଲ ଏକ୍ସପୋ ୨୦୨୫ରେ ଅନେକ କମ୍ପାନୀର ନୂଆ ଉତ୍ପାଦ ଦେଖିବାକୁ ମିଳୁଛି । କିଛି କମ୍ପାନୀ ନୂଆ ଗାଡି ପ୍ରଦର୍ଶିତ କରୁଥିବାବେଳେ କିଛି କମ୍ପାନୀ ଗାଡିର ଯନ୍ତ୍ରାଂଶ ପ୍ରଦର୍ଶିତ କରୁଛନ୍ତି । ଏଥିରେ ରାଲସନ୍ କମ୍ପାନୀର ଟାୟାର୍ ମଧ୍ୟ ସାମିଲ । କମ୍ପାନୀ ଅଟୋ ଏକ୍ସପୋରେ ନିଜ ବାଣିଜ୍ୟିକ ଟାୟାରକୁ ବଜାରକୁ ନେଇଆସିଛି । କମ୍ପାନୀ ସାଇକେଲ ଟାୟାରରେ ଲିଡ୍ କରୁଛି । ଏବେ ଅଟୋମେଟିଭ୍ ଏବଂ କମର୍ସିଆଲ୍ ଟାୟାର କ୍ଷେତ୍ରରେ ମଧ୍ୟ ନିଜ ସ୍ଥିତି ମଜଭୁତ କରିବାକୁ ଚାହୁଁଛି ।
୨୦୨୩ରେ ଇନ୍ଦୋରରେ ନିଜ ଅତ୍ୟାଧୁନିକ କାରଖାନାର ଉଦଘାଟନ ପରଠୁ କମ୍ପାନୀ ନିଜ ଚାହିଦାକୁ ପୁରା କରିବା ପାଇଁ ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇଯାଇଛି । ପୂର୍ବରୁ କମ୍ପାନୀ ଆମେରିକା, ୟୁରୋପ, ଆଫ୍ରିକା ସହିତ ବୈଶିକ ବଜାରରେ ଥିବା ଚାହିଦାକୁ ପୁରା କରୁଛି । ଏବେ ଏହି ସୁବିଧା ଓ ଉତ୍ପାଦନ କ୍ଷମତା ସହିତ ବଢୁଥିବା ଭାରତୀୟ ବଜାରର ଚାହିଦାକୁ ପୁରା କରିବା ପାଇଁ ପ୍ରୟାସ କରୁଛି କମ୍ପାନୀ । ଏହା ସହ କମ୍ପାନୀ କିଛି ଭିନ୍ନ ପଦକ୍ଷେପ ନେଇ ନିଜ ପ୍ରତିଯୋଗୀଙ୍କଠୁ ଆଗରେ ରହିବା ପାଇଁ ଯୋଜନା କରୁଛି । ଅଟୋ ଏକ୍ସପୋରେ କମ୍ପାନୀ ନିଜ ନୂଆ ଟାୟାର ପ୍ରଦର୍ଶିତ କରି ଏହା ଗାଡିର ମାଇଲେଜ୍ ବୃଦ୍ଧି କରିବ ବୋଲି ଦାବି କରିଛି ।
