BSKY banner  750×100

ମାନିଲେ ଯୋଗୀ ସରକାର; ରାହୁଲ ଓ ପ୍ରିୟଙ୍କାଙ୍କୁ ଲକ୍ଷ୍ମୀପୁର ଯିବାକୁ ମିଳିଲା ଅନୁମତି

nua o banner

ଲକ୍ଷ୍ନୌ: ଲକ୍ଷ୍ମୀପୁରର ଖେରି ଘଟଣାକୁ ନେଇ ଚାଲିଥିବା ରାଜନୈତିକ ଝଡ଼ ମଧ୍ୟରେ ଏକ ବଡ଼ ଖବର ସାମ୍ନାକୁ ଆସିଛି। ଖେରି ଯିବାକୁ ରାହୁଲ ଗାନ୍ଧୀଙ୍କୁ ଅନୁମତି ଦେଇଛନ୍ତି ଯୋଗୀ ସରକାର। ରାହୁଲଙ୍କ ସମେତ ପ୍ରିୟଙ୍କା ଗାନ୍ଧୀ ଏବଂ ଅନ୍ୟ ୩ ଜଣଙ୍କୁ ଖେରି ଯିବାକୁ ଉତ୍ତରପ୍ରଦେଶ ଗୃହ ବିଭାଗ ଅନୁମତି ଦେଇଥିବା ଜଣାପଡ଼ିଛି। ତେଣୁ ଏବେ ଲକ୍ଷ୍ମୀପୁର ଯିବାକୁ ରାହୁଲ ଦିଲ୍ଲୀରୁ ବାହାରିଛନ୍ତି। ଖେରି ଯାଇ ଦୁଇ ପୀଡ଼ିତ ପରିବାରଙ୍କୁ ଭେଟିବେ ରାହୁଲ ଓ ପ୍ରିୟଙ୍କା।

ଗତକାଲି ରାହୁଲ ଗାନ୍ଧୀ ଓ କଂଗ୍ରେସର ଏକ ପ୍ରତିନିଧି ଦଳ ଲକ୍ଷ୍ମୀପୁର ଖେରି ଯାଇ ପୀଡ଼ିତ ପରିବାରଙ୍କୁ ଭେଟିବା ପାଇଁ ରାଜ୍ୟ ସରକାରଙ୍କୁ ଅନୁମତି ମାଗିଥିଲେ କିନ୍ତୁ ଉତ୍ତରପ୍ରଦେଶ ସରକାର ଏହାକୁ ନାକଚ କରିଦେଇଥିଲେ।

ସୂଚନାଯୋଗ୍ୟ ଯେ, ଏହା ପୂର୍ବରୁ ରବିବାର ଲକ୍ଷ୍ମୀପୁରରେ ୪ ଜଣ କୃଷକଙ୍କ ସମେତ ୮ ଜଣଙ୍କ ମୃତ୍ୟୁ ପରେ ପ୍ରଶାସନ ଲକ୍ଷ୍ମୀପୁର ଖେରିରେ ଧାରା ୧୪୪ ଲାଗୁ କରିଥିଲା। କୃଷକ ସଂଗଠନ ବ୍ୟତୀତ କୌଣସି ଦଳର ନେତା ସେଠାକୁ ଯିବାକୁ ଅନୁମତି ନଥିଲା। ପ୍ରିୟଙ୍କା ଗାନ୍ଧୀ, ଅଖିଳେଶ ଯାଦବ, ସଞ୍ଜୟ ସିଂହ ପ୍ରମୁଖ ଲକ୍ଷ୍ମୀପୁର ଯିବାକୁ ଚେଷ୍ଟା କରିଥିଲେ। ମାତ୍ର ସେମାନଙ୍କୁ ବିଭିନ୍ନ ସ୍ଥାନରେ ଗିରଫ କରାଯାଇଥିଲା। ପରେ ପ୍ରିୟଙ୍କାଙ୍କୁ ଗିରଫ କରାଯାଇ ସୀତାପୁରରେ ରଖାଯାଇଥିଲା।

 

Comments are closed.