ନୂଆଦିଲ୍ଲୀ : କେନ୍ଦ୍ର ସରକାରଙ୍କ ଦ୍ୱାରା ହୋଇଥିବା ରାଫେଲ ଯୁଦ୍ଧ ବିମାନ କିଣା ରାଜିନାମାକୁ କଂଗ୍ରେସ ବୋଫର୍ସ ତୋପ କିଣା ଦୁର୍ନୀତି ସହିତ ତୁଳନା କରିଛି। କଂଗ୍ରେସ ମୁଖପତ୍ର ନ୍ୟାସନାଲ ହେରାଲ୍ଡ ଏହାର ହେଡ ଲାଇନରେ ରାଫେଲକୁ ମୋଦୀଙ୍କ ବୋଫର୍ସ ବୋଲି ଉଲ୍ଲେଖ କରିଛି। ବୋଫର୍ସ ତୋପ କିଣା ଦୁର୍ନୀତିକୁ କେବେହେଲେ ସ୍ୱୀକାର କରି ନଥିବା କଂଗ୍ରେସ ଏହାଦ୍ୱାରା ପରୋକ୍ଷରେ ନିଜର ଦୋଷକୁ ସ୍ୱୀକାର କରିଛି। ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଶାସନ କାଳରେ ବୋଫର୍ସ ଦୁର୍ନୀତି ହୋଇଥିଲା। ଏହା ଦେଶବ୍ୟାପୀ ଚର୍ଚ୍ଚାର ବିଷୟ ହୋଇଥିଲା। ଏବେ ନରେନ୍ଦ୍ର ମୋଦୀଙ୍କ ନେତୃତ୍ୱ ଏନଡିଏ ସରକାର ଫ୍ରାନ୍ସ ଠାରୁ ରାଫେଲ ଯୁଦ୍ଧ ବିମାନ କିଣିବା ପାଇଁ କରିଥିବା ରାଜିନାମା ପଛରେ ବଡ ଧରଣର ଦୁର୍ନୀତି ହୋଇଥିବା ଅଭିଯୋଗ ହୋଇଛି। ଏହି ଅଭିଯୋଗକୁ ବିରୋଧୀ କଂଗ୍ରେସ ନିର୍ବାଚନ ଋତୁ ପାଇଁ ବଡ ଅସ୍ତ୍ର କରିଛି।
