ପୁନା: ପ୍ରବାସୀ ଓଡିଆଙ୍କ ଦ୍ୱାରା ଶ୍ରୀଜୀଉଙ୍କ ରଥଟଣା ଯାତ୍ରା ପୁନାରେ ଗତ୧୪ଜୁଲାଇରେ ଧୁମଧାମରେ ଅନୁଷ୍ଠିତ ହୋଇଯାଇଛି। ଏହି ପବିତ୍ର ଉତ୍ସବ ଅବସରରେ ପୁନେର ଖଡ଼କିସ୍ଥିତ ଜଗନ୍ନାଥ ମନ୍ଦିରରେ ହଜାରହଜାର ଭକ୍ତଙ୍କ ସମାଗମ ହୋଇଥିଲା। ଚଳିତ ବର୍ଷ ପୁନେ ସହରର କୋଣଅନୁକୋଣରୁ ବହୁସଂଖ୍ୟାରେ ଓଡ଼ିଆ ଓ ଅଣଓଡ଼ିଆ ଭକ୍ତ ଯୋଗଦାନ କରିହୁଳହୁଳି ଓ ହରିବୋଲ ନାଦରେ ପରିବେଶକୁ ଆଧ୍ୟାତ୍ମିକ ବନାଇଥିଲେ।
ପୁରୀ ରଥଯାତ୍ରାର ସମସ୍ତ ପଦ୍ଧତିକୁ ଅନୁସରଣ କରି ଏଠାରେ ରଥଯାତ୍ରା ପାଳନ କରାଯାଇଛି। ଶ୍ରୀଜୀଉଙ୍କ ବିଗ୍ରହଙ୍କୁ ଘଣ୍ଟ,କାହାଳି,ଢୋଲ,ମୃଦଙ୍ଗ,ଗିନିନାଦ ମଧ୍ୟରେ ପହଣ୍ଡି ବିଜେ କରାଯାଇଥିଲା। ପାରମ୍ପରିକ ରୀତି ଅନୁଯାୟୀ ଖଡକୀ କ୍ୟାଣ୍ଟନମେଣ୍ଟ ବ୍ରିଗେଡିଅରଙ୍କ ଦ୍ୱାରା ଛେରା ପଂହରା କରାଯାଇଥିଲା। ଏହା ପରେ ହଜାରହଜାର ପୁରୁଷ ଓ ମହିଳା ଭକ୍ତଙ୍କ ଦ୍ୱାରା ରଥଟଣା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ରଥାରୂଢ ଶ୍ରୀଜୀଉମାନେ ସେହି ଖଡ଼କିରେ ଉପସ୍ଥିତ ଶ୍ରୀଗୁଣ୍ଡିଚା ମନ୍ଦିରକୁ ଗମନ କରିଥିଲେ। ରଥ ଉପରୁ ଶ୍ରୀଜୀଉମାନଙ୍କୁ ପହଣ୍ଡିବି ଜେକରାଇ ଗୁଣ୍ଡିଚା ମନ୍ଦିରକୁ ନେବା ପରେ ସମସ୍ତ ଭକ୍ତମାନେ ମନ୍ଦିର ପ୍ରଶାସନ ତରଫରୁ ଆୟୋଜନ କରାଯାଇଥିବା ଅନ୍ନପ୍ରସାଦ ସେବନ କରିଥିଲେ।
