ଜାମ୍ମୁ: ପୁଲୱାମାରେ ୧୪ ଫେବୃଆରୀରେ ହୋଇଥିବା ଆତଙ୍କବାଦୀ ଆକ୍ରମଣର ଜବାବରେ ସୁରକ୍ଷାବଳକୁ ବଡ ସଫଳତା ମିଳିଛି। ରବିବାର ପାହାନ୍ତା ପ୍ରହରରୁ ଆରମ୍ଭ ହୋଇଥିବା ଗୁଳିବିନିମୟରେ ୩ଜଣ ଆତଙ୍କବାଦୀ ନିହତ ହୋଇଛନ୍ତି। ୧୮ ଘଣ୍ଟାରୁ ଅଧିକ ସମୟ ଧରି ଚାଲିଥିବା ଗୁଳିବିନିମୟରେ କାମରାନ ସମେତ ୩ ଆତଙ୍କବାଦୀଙ୍କ ନିହତ ହେବା ସୁରକ୍ଷାବଳଙ୍କ ମନୋବଳ ବୃଦ୍ଧି କରିଛି। ତେବେ ଉଭୟ ପଟରୁ ଗୁଳିଗୋଳା ବିନିମୟରେ ୫ ଜଣ ଯବାନ ଶହୀଦ ହୋଇଛନ୍ତି। ଶହୀଦ ଯବାନଙ୍କ ମଧ୍ୟରେ ମେଜର ଡି.ଏସ. ଢ଼ୋଡ଼ିଆଲ, ହେଡ଼ କନଷ୍ଟେବଳ ସେବରାମ, ସିପାହୀ ଅଜୟ କୁମାର, ସିପାହୀ ହରି ସିଂହ ଏବଂ ସିପାହୀ ଗୁଲଜାର ଅହମଦ ଅଛନ୍ତି ଓ ଏହା ଛଡା ଜଣେ ଲେଫ୍ଟନାଣ୍ଟ କର୍ଣ୍ଣେଲ, ବ୍ରିଗେଡ଼ିଅର ସମେତ ୫ଜଣ ଯବାନ ଶହୀଦ ହୋଇଛନ୍ତି। ଏନକାଉଣ୍ଟରରେ ଦକ୍ଷିଣ କାଶ୍ମୀର ପୁଲିସ ଡିଜି ଅମିତ କୁମାରଙ୍କୁ ଆହତ ଅବସ୍ଥାରେ ସେନା ହସ୍ପିଟାଲରେ ଭର୍ତ୍ତି କରାଯାଇଛି। ଏବେ ତାଙ୍କ ଅବସ୍ଥା ସ୍ଥିର ଥିବା ଜଣାପଡିଛି। ସୂଚନାରୁ ଜଣାପଡିଛି ଯେ କାଶ୍ମୀର ଘାଟିରେ ଏବେ ମଧ୍ୟ ୬୦ରୁ ଆତଙ୍କବାଦୀ ରହିଛନ୍ତି ଏବଂ ସେମାନେ ବିଭିନ୍ନ ଜିଲ୍ଲାରେ ଲୁଚି ରହି ଆକ୍ରମଣ ଯୋଜନା କରୁଥିବା ଜଣାପଡିଛି ଓ ସେମାନଙ୍କ ମଧ୍ୟରୁ ୩୫ ଜଣ ଆତଙ୍କୀ ବିଦେଶରେ ପ୍ରଶିକ୍ଷଣ ପାଇ ଆକ୍ରମଣ ପାଇଁ ପ୍ରସ୍ତୁତ ହୋଇ ରହିଛନ୍ତି। ଅନ୍ୟ ପକ୍ଷରେ ସୀମା ନିକଟରେ ପାକିସ୍ତାନୀ ସେନା ଆଲର୍ଟ ରହିଛି ଓ ଆତଙ୍କୀ ମାନଙ୍କୁ ସେମାନଙ୍କ କ୍ୟାମ୍ପକୁ ପଠାଇବା କାର୍ୟ୍ୟ କରୁଛି। ଭାରତୀୟ ସେନା ପକ୍ଷରୁ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣଙ୍କୁ ଲଗାତାର ଅପଡେଟ ଦିଆଯାଉଛି।
Popular Categories
Previous article
Next article