ନୂଆଦିଲ୍ଲୀ : ଭାରତୀୟ ଅଟୋମୋବାଇଲ କମ୍ପାନୀ ‘ବଜାଜ ଅଟୋ’ ନିଜର ଲୋକପ୍ରିୟ ବାଇକ ପଲସର୍ର ନୂତନ ମଡେଲ ଖୁବ୍ ଶୀଘ୍ର ଭାରତୀୟ ବଜାରକୁ ଛାଡିବ। ବଜାଜ ଅଟୋର ନୂତନ ମଡେଲ ପଲସରରେ ଗ୍ରାହକଙ୍କ ପାଇଁ ଅନେକ ସୁବିଧା ରହିଛି। ଏହା ମଧ୍ୟ ଦେଖିବାକୁ ବେଶ ଆକର୍ଷଣୀୟ। ବଜାଜର ଏହି ନୂତନ ପଲସର ଏନଏସ୧୬୦ର ଦାମ ନୂଆଦିଲ୍ଲୀ ଏକ୍ସ ସୋ ରୁମରେ ୮୨,୬୨୪ ଟଙ୍କା ରହିବ। ପଲସର ଏନଏସ୧୬୦ରେ ୧୬୦.୩ ସିସି, ଡିଟିଏସ-ଆଇ ଇଞ୍ଜିନ ରହିଛି।
ମିଳିଥିବା ସୂଚନା ଅନୁସାରେ ନୂତନ ମଡେଲ ପଲସରରେ ଏକକ ଆଣ୍ଟି-ଲକ୍ ବ୍ରେକ୍ ବ୍ୟବସ୍ଥା ରହିଛି। ଯଦି ଗ୍ରାହକ ଚାହିଁବେ ଏହାକୁ ଦୁଇଟି ଆଣ୍ଟି-ଲକ୍ ବ୍ରେକ୍ କରିପାରିବେ। ବାଇକରେ ଦୁଇଟି ଆଣ୍ଟି ବ୍ରେକ୍ କରାଇଲେ ଏହାର ମୂଲ୍ୟ ବୃଦ୍ଧି ପାଇ ୯୫୦୦୦ ଟଙ୍କା ହୋଇପାରେ। ପୂରୁଣା ମଡେଲ ପରି ହିଁ ଏହାର ନିର୍ମାଣ କରାଯାଇଛି। କେବଳ ରଙ୍ଗ ଓ ଗ୍ରାଫିକ୍ସରେ କିଛି ପରିବର୍ତ୍ତନ ଦେଖାଯାଇଛି। ବିଶେଷଜ୍ଞଙ୍କ କହିବା ଅନୁସାରେ ଏହା ଟିଭିଏସ୍ ଆପାଚି, ସୁଜକି ଗିସର, ୟାମା ଏଫଜେଡ-ଏସ ଓ ହୋଣ୍ଡା ସିବି ହୋମେଟ ଆଦି ବାଇକ ସହ ବଜାରରେ ମୁକାବିଲା କରିବ।
ଆସୁଛି ପଲସର୍ର ନୂଆ ମଡେଲ, ଆକର୍ଷଣୀୟ ରୂପ ସହ ରହିଛି ଅନେକ ସୁବିଧା
Popular Categories
Previous article
Next article