ରେଙ୍ଗାଲିକେମ୍ପ: ବରଗଡ଼ ଜିଲ୍ଲା ଅତାବିରା ଅଞ୍ଚଳ ଓଡ଼ିଶାର ଭାତ ହାଣ୍ଡି ରୂପେ ମାନ୍ୟତା ପାଇଥିବା ବେଳେ ଅଞ୍ଚଳର ଚାଷୀଙ୍କ ଦୁର୍ଦ୍ଦଶା ବଢ଼ି ଚାଲିଛି। ଚଳିତ ରବି ଫସଲ ପାଇଁ ସାର ପାଇ ନାହାନ୍ତି ଚାଷୀ। ଅନ୍ୟ ପଟରେ ଇଫକୋ ଖୋଲା ବଜାରରେ ବିକ୍ରି କରିଚାଲିଛି ସାର। ଫଳରେ ଚାଷୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ତେଣୁ ସେମାନେ ଉତ୍ୟକ୍ତ ହୋଇ ଇଫକୋ ବିରୋଧରେ ସ୍ବର ଉତ୍ତୋଳନ କରିବା ସହ ଖୋଲା ବଜାରକୁ ବନ୍ଦ କରି ବ୍ଲକ କୃଷି ଅଧିକାରୀଙ୍କୁ ବଦଳି କରାଯାଉ ବୋଲି ଦାବି ଜଣାଇ ରାସ୍ତାକୁ ଓହ୍ଲାଇଥିଲେ। ଫଳରେ ୫୩ ନଂ ଜାତୀୟ ରାଜପଥ ସକାଳ ୮ଟାରୁ ମଧ୍ୟାହ୍ନ ୧୨ ପର୍ଯ୍ୟନ୍ତ ଦୀର୍ଘ ୪ ଘଣ୍ଟା ଧରି ଅବରୋଧ ହୋଇ ରହିଥିଲା। ଏହି ଖବର ପାଇ ଜିଲ୍ଲା କୃଷି ଅଧିକାରୀ ଘଟଣା ସ୍ଥଳରେ ପହଞ୍ଚି ଉପସ୍ଥିତ ଚାଷୀଙ୍କ ପଞ୍ଜିକରଣ କରାଯାଇ ସେମାନଙ୍କୁ ଆସନ୍ତା କାଲି ସୁଦ୍ଧା ୨ ବସ୍ତା ଲେଖାଏଁ ସାର ଯୋଗାଇ ଦିଆଯିବ ଓ ଅବଶିଷ୍ଟ ଚାଷୀଙ୍କୁ ପରବର୍ତ୍ତୀ ସମୟରେ ଦିଆଯିବ ବୋଲି ପ୍ରତିଶ୍ରୁତି ଦେବା ପରେ ଚାଷୀ ଆନ୍ଦୋଳନରୁ ଓହରିଥିଲେ।
Comments are closed.