ନଭେମ୍ବର ୨୯ରୁ ପ୍ରିୟଙ୍କା ଚୋପ୍ରା ଓ ନିକ୍ ଜୋନସ୍ଙ୍କ ବିବାହ କାର୍ଯ୍ୟକ୍ରମ ଆରମ୍ଭ ହୋଇଗଲାଣି। ନିକଟରେ ନିଜ ଆଗାମୀ ଚଳଚ୍ଚିତ୍ର ‘ଦ ସ୍କାଏ ଇଜ୍ ପିଙ୍କ୍’ର ସୁଟିଂ ଶେଷ କରି ବିବାହ ପ୍ରସ୍ତୁତି ନିଜେ କରିବା ସହ ମେହେନ୍ଦୀରେ ମଧ୍ୟ ଯୋଗ ଦେଇଛନ୍ତି ଏଇ ପୂର୍ବତନ ବିଶ୍ବସୁନ୍ଦରୀ। ରାଜସ୍ଥାନରୁ ନିତେଶ୍ ଅଗ୍ରୱାଲ୍ ମେହେନ୍ଦୀୱାଲାଙ୍କ ନିକଟରୁ ୫ କିଲୋ ମେହେନ୍ଦୀ ବରାଦ୍ ହୋଇଛି। ଏଇ ମେହେନ୍ଦୀ ଦୋକାନର ବିଶେଷତ୍ବ ହେଲା ବଚ୍ଚନ ପରିବାରର ପ୍ରତ୍ୟେକ ବିବାହରେ ଏଇଠାରୁ ମେହେନ୍ଦୀ ଯାଇଥାଏ। ଅମିତାଭ ବଚ୍ଚନଙ୍କ ଝିଅ ଶ୍ବେତା ବଚ୍ଚନ, ବୋହୂ ଐଶ୍ବର୍ଯ୍ୟା ରାୟ ବଚ୍ଚନ ସମସ୍ତେ ଏଇ ରାଜସ୍ଥାନୀ ମେହେନ୍ଦୀ ବିବାହ କିମ୍ବା ଅନ୍ୟାନ୍ୟ ଉତ୍ସବରେ ହିଁ ଲଗାଇଥାନ୍ତି। ଯୋଧପୁରର ଉମ୍ମୈଦ ଭବନରେ ସମ୍ପନ୍ନ ହେବାକୁ ଥିବା ଏଇ ବର୍ଣ୍ଣାଢ଼୍ୟ ବିବାହରେ ଉଭୟ ବିଦେଶୀ ଓ ରାଜସ୍ଥାନୀ ଖାଦ୍ୟ ଅତିଥିଙ୍କୁ ପରଷାଯିବ। ପ୍ରିୟଙ୍କାଙ୍କ ମା ଓ ଭାଇ ଏସବୁ ବ୍ୟକ୍ତିଗତ ଭାବେ ତଦାରଖ କରୁଛନ୍ତି। ଅତିଥିଙ୍କୁ ଯେଭଳି କୌଣସି ଅସୁବିଧା ନ ହୁଏ, େସ ନେଇ ଝିଅ ଘର ଲୋକେ ଖୁବ୍ ସତର୍କ। ସମସ୍ତ ପ୍ରକାର ରାଜସ୍ଥାନୀ ବ୍ୟଞ୍ଜନକୁ ସେଠାର ନାମୀ ସେଫ୍ ପ୍ରସ୍ତୁତ କରିବେ। ଡିସେମ୍ବର ୨ରେ ଯଦିଓ ପ୍ରିୟଙ୍କା-ନିକ୍ଙ୍କ ବିବାହ ସମ୍ପନ୍ନ ହେବ, କିନ୍ତୁ ପ୍ରାକ-ପ୍ରସ୍ତୁତିରେ ଭୋଜନର ମୁଖ୍ୟ ଭୂମିକା ରହିଛି। ଏଣୁ ଏ ବାବଦରେ ପ୍ରିୟଙ୍କାଙ୍କ ପରିବାର ଲୋକ ସମୟ ପୂର୍ବରୁ ସମସ୍ତ ପ୍ରସ୍ତୁତି କରୁଛନ୍ତି।
Popular Categories
Previous article
Next article