ନୂଆଦିଲ୍ଲୀ : ତୁର୍କୀ ଓ ସିରିୟାରେ ହୋଇଥିବା ଭୟାବହ ଭୂମିକମ୍ପର ଉଦ୍ଧାର କାର୍ଯ୍ୟ ଶେଷ ହୋଇଛି । ରବିବାର ତୁର୍କୀ ସରକାର ଉଦ୍ଧାର କାର୍ଯ୍ୟ ଶେଷ ହୋଇଥିବା ନେଇ ଘୋଷଣା କରିଛନ୍ତି। ଉଦ୍ଧାରକାର୍ଯ୍ୟରେ ନିୟୋଜିତ ଭାରତର ଏନଡିଆରଏଫ୍ ଓ ସେନା ବାହିନୀ ସ୍ବଦେଶ ଫେରିଆସିଛନ୍ତି। ତୁର୍କୀ ଓ ସିରିୟା ଭୂମିକମ୍ପରେ ଉଦ୍ଧାର ଓ ରିଲିଫ ନିମନ୍ତେ ଭାରତ ସରକାର ‘ଅପରେସନ ଦୋସ୍ତ’ ନାମରେ ଅଭିଯାନ କରିଥିଲେ। ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅପରେସନ ଦୋସ୍ତରେ ସାମିଲ ଏନଡିଆରଏଫ୍ ଓ ସେନା କର୍ମଚାରୀଙ୍କ ସହିତ କଥା ହୋଇଛନ୍ତି। ଅପରେସନ ଦୋସ୍ତ ଅଭିଯାନରେ ଭାରତ ଏନଡିଆରଏଫ୍ର ତିନିଟି ଦଳ (୧୫୦ଜଣ ସଦସ୍ୟ)ଓ ସେନାର ୨୫୦ କର୍ମଚାରୀଙ୍କୁ ତୁର୍କୀ ପଠାଇଥିଲା। ଏହା ସହିତ ଭାରତ ୧୩୫ଟନ ରିଲିଫ ପଠାଇଥିଲା। ତୁର୍କୀ ଓ ସିରିୟା ଭୂମିକମ୍ପ ମୃତ୍ୟୁସଂଖ୍ୟା ୪୬ହଜାରରେ ପହଞ୍ଚିଛି। ଆହୁରି ଅନେକ ଲୋକ ନିଖୋଜ ଥିବାବେଳେ ସେମାନଙ୍କୁ ଉଦ୍ଧାର ଲାଗି ଉଦ୍ୟମ ଚାଲିଛି।
Comments are closed.