ଓଡ଼ିଶା ସମେତ ୬ ରାଜ୍ୟର ଏକଲବ୍ୟ ମଡେଲ୍‌ ସ୍କୁଲ ଛାତ୍ରଛାତ୍ରୀଙ୍କୁ ଭେଟିଲେ ରାଷ୍ଟ୍ରପତି

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଙ୍ଗଳବାର ରାଷ୍ଟ୍ରପତି ଭବନରେ ଓଡ଼ିଶା ସମେତ ୬ଟି ରାଜ୍ୟର ଏକଲବ୍ୟ ମଡେଲ୍‌ ସ୍କୁଲର ଛାତ୍ରଛାତ୍ରୀମାନଙ୍କୁ ଭେଟି ସେମାନଙ୍କ ସହ ଆଲୋଚନା କରିଛନ୍ତି। ଓଡ଼ିଶା, ଝାଡ଼ଖଣ୍ଡ, ଉତ୍ତରାଖଣ୍ଡ, ମଧ୍ୟପ୍ରଦେଶ, ଛତିଶଗଡ ଏବଂ ରାଜସ୍ଥାନର ଆଦିବାସୀ ଛାତ୍ରଛାତ୍ରୀମାନଙ୍କ ପାଇଁ ରାଷ୍ଟ୍ରପତି ଭବନ ଏବଂ ଅମୃତ ଉଦ୍ୟାନ ପରିଦର୍ଶନ ପାଇଁ ବ୍ୟବସ୍ଥା କରାଯାଇଥିଲା।

President Droupadi Murmu interacted with the students of Eklavya Model schools at Rashtrapati Bhavan. A guided tour of Rashtrapati Bhavan and Amrit Udyan was arranged for the tribal students from Odisha, Jharkhand, Uttarakhand, Madhya Pradesh, Chhattisgarh and Rajasthan. pic.twitter.com/OEdUyo873I

— President of India (@rashtrapatibhvn) August 22, 2023

ରାଷ୍ଟ୍ରପତି, କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଏବଂ କେନ୍ଦ୍ର ଆଦିବାସୀ ବ୍ୟାପାର ରାଷ୍ଟ୍ର ମନ୍ତ୍ରୀ ନୂଆଦିଲ୍ଲୀରେ ଏକଲବ୍ୟ ମଡେଲ୍‌ ଆବାସିକ ବିଦ୍ୟାଳୟର ଛାତ୍ରଛାତ୍ରୀଙ୍କୁ ଭେଟି ଆଦିବାସୀ ବିକାଶର ଅଗ୍ରଗତି, ଆଦିବାସୀ ଗୌରବ ଦିବସ, ସେମାନଙ୍କର ଶିକ୍ଷାଗତ ବିକାଶ ବିଷୟରେ ମଧ୍ୟ ଆଲୋଚନା କରିଛନ୍ତି। ଅପରପକ୍ଷେ, ଏକଲବ୍ୟ ବିଦ୍ୟାଳୟର ଛାତ୍ରଛାତ୍ରୀମାନେ ପ୍ରଥମ ଥର ପାଇଁ ବିମାନରେ ଯାତ୍ରା କରିଥିବାରୁ ଅତ୍ୟଧିକ ଉତ୍ସାହିତ ଅଛନ୍ତି ଏବଂ ବିମାନ ଯାତ୍ରା ସହିତ ଭାରତର ରାଷ୍ଟ୍ରପତିଙ୍କୁ ଭେଟିବାର ସୁଯୋଗ ପାଇ ସେମାନେ ନିଜକୁ ଭାଗ୍ୟବାନ ମନେ କରୁଥିବା ମତପ୍ରକାଶ କରିଛନ୍ତି।