ସମାଜ ଡିଜିଟାଲ ଡେସ୍କ: ବିଜେପି ବିଧାୟକ ଜୟନାରାୟଣ ମିଶ୍ରଙ୍କ ଗିରଫ ଦାବି କରିଛି ରାଜ୍ୟ ପୁଲିସ ସଂଘ। ଜୟନାରାୟଣ ଜଣେ ଥାନା ଅଧିକାରୀଙ୍କୁ ଧମକାଇବା ଘଟଣାକୁ ସଂଘ ନିନ୍ଦା କରିବା ସହିତ ତାଙ୍କୁ ଏହି ଘଟଣାରେ ଗିରଫ କରାଯିବା ଦରକାର ବୋଲି ସଂଘର କାର୍ଯ୍ୟକାରୀ ସମ୍ପାଦକ ଉମେଶ ଚନ୍ଦ୍ର ସାହୁ କହିଛନ୍ତି। ସେ କହିଛନ୍ତି ବିଧାୟକଙ୍କ ଏପରି ଆଚରଣ ଗ୍ରହଣୀୟ ନୁହେଁ। ଏପରି ହେଲେ ଜନସାଧାରଣଙ୍କ ମନରେ ଆଇନ ପ୍ରତି ଭୟ ରହିବ ନାହିଁ। ବିଧାୟକଙ୍କ ଧମକ ଲଜ୍ଜାଜନକ ଏବଂ ଦୁର୍ଭାଗ୍ୟପୂର୍ଣ୍ଣ। ଡିଜିପିଙ୍କ ନିକଟରେ ସଂଘ ପକ୍ଷରୁ ଦାବି ହୋଇଛି। ଡିଜିପି କି ପଦକ୍ଷେପ ନେଉଛନ୍ତି ତାହାକୁ ଅପେକ୍ଷା ରହିଛି। ଡିଜିପିଙ୍କ ପଦକ୍ଷେପ ଅନୁସାରେ ସଂଘ ପରବର୍ତ୍ତୀ ନିଷ୍ପତ୍ତି ନେବ।
ଅନ୍ୟପଟେ ଜୟନାରାୟଣଙ୍କ ଧମକ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି କଂଗ୍ରେସର ବରିଷ୍ଠ ନେତା ସୁର ରାଉତରାୟ। ସେ କହିଛନ୍ତି, ଜୟନାରାୟଣ ମନ୍ତ୍ରୀ ନ ହେବାରୁ ବିଚଳିତ ହୋଇପଡ଼ିଛନ୍ତି। ତେବେ ଏହି ପ୍ରସଙ୍ଗରେ ଜୟନାରାୟଣଙ୍କ ମତାମତ ମିଳିପାରି ନାହିଁ।
Comments are closed.