ମୁମ୍ବଇ : ‘ପିଏମ୍ ନରେନ୍ଦ୍ରମୋଦୀ’ ଚଳଚ୍ଚିତ୍ରର ମୁକ୍ତିଲାଭ ନେଇ ସୁପ୍ରିମକୋର୍ଟ ଏପ୍ରିଲ ୧୫ ତାରିଖ ସୋମବାର ଶୁଣାଣି କରିବେ। ନିର୍ବାଚନ ଆୟୋଗ ପ୍ରତିବନ୍ଧକ ଲଗାଇବା ବିରୋଧରେ ନିର୍ମାତା ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଚଳଚ୍ଚିତ୍ର ନିର୍ମାତା ଏହାକୁ ନେଇ ସୁପ୍ରିମକୋର୍ଟରେ ଏକ ପିଟିସନ୍ ଦାଖଲ କରିଛନ୍ତି। ଏହାକୁ ଗ୍ରହଣ କରି ପ୍ର୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଏକ ଖଣ୍ଡପୀଠ ନିର୍ମାତାଙ୍କ ଆବେଦନ ଉପରେ ଶୁଶାଣି କରିବେ ବୋଲି କହିଛନ୍ତି।
ସୂଚନାଯୋଗ୍ୟ, ‘ପିଏମ୍ ନରେନ୍ଦ୍ରମୋଦୀ’ ଚଳଚ୍ଚିତ୍ର ୧୧ ଏପ୍ରିଲରେ ମୁକ୍ତିଲାଭ କରିବାର ଥିଲା। ମାତ୍ର ମୁକ୍ତିଲାଭର ଠିକ୍ ଗୋଟିଏ ଦିନ ପୂର୍ବରୁ ନିର୍ବାଚନ ଆୟୋଗ ଏହା ଉପରେ ପ୍ରତିବନ୍ଧକ ଲଗାଇଥିଲେ। ଲୋକସଭା ନିର୍ବାଚନରେ ମତଦାନ ଉପରେ ଯେପରି କୌଣସି ପ୍ରଭାବ ନପଡ଼େ ଏହାକୁ ଦୃଷ୍ଟିରେ ରଖି ନିର୍ବାଚନ ଆୟୋଗ ଏହାର ମୁକ୍ତିଲାଭରେ ପ୍ରତିବନ୍ଧକ ଲଗାଇଛନ୍ତି। ପୂର୍ବରୁ ଚଳଚ୍ଚିତ୍ର ବିରୋଧରେ ବିଭିନ୍ନ ରାଜନୈତିକ ଦଳ ନିର୍ବାଚନ ଆଚରଣ ବିଧି ଉଲ୍ଲଂଘନର ଅଭିଯୋଗ ଆଣିଥିଲେ।
