ନୂଆଦିଲ୍ଲୀ: ସାଂଘାଇ କୋ-ଅପରେସନ ଅର୍ଗାନାଇଜେସନ (ଏସ୍ସିଓ) ସମ୍ମିଳନୀରେ ଯୋଗଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚଳିତମାସ ୩୧ରେ ଚୀନ ଯିବେ ବୋଲି ତାଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି। ଅଗଷ୍ଟ ୩୧ରୁ ସେପ୍ଟେମ୍ବର ୧ ପର୍ଯ୍ୟନ୍ତ ଚୀନ୍ର ତିଆନ୍ଜିନ ସହରରେ ଏହି ସମ୍ମିଳନୀ ଆୟୋଜିତ ହେବାକୁ ଯାଉଛି। ୨୦୨୦ ଗଲୱାନ ସଂଘର୍ଷ ପରେ ଏହା ମୋଦୀଙ୍କର ପ୍ରଥମ ଚୀନ ଗସ୍ତ ହେବ। ଏହି ଅବସରରେ ମୋଦୀ ଚୀନ ରାଷ୍ଟ୍ରପତି ସି ଜିନପିଙ୍ଗ୍ ଏବଂ ରୁଷ ରାଷ୍ଟ୍ରପତି ଭ୍ଲାଡିମୀର ପୁଟିନଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ରହିଛି। ମୋଦୀଙ୍କ ଚୀନ ଗସ୍ତକୁ କୂଟନୈତିକ ମହଲ ଯଥେଷ୍ଟ ଗୁରୁତ୍ବ ଦେଉଛନ୍ତି। ରୁଷ୍ ନିକଟରୁ ତୈଳ କିଣୁଥିବାରୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କ୍ଷୁବ୍ଧ ହୋଇ ଭାରତ ଉପରେ ୨୫ ପ୍ରତିଶତ ଆମଦାନୀ ଶୁଳ୍କ ଲାଗୁ କରିଛନ୍ତି। ବର୍ତ୍ତମାନ ମୋଦୀଙ୍କ ଚୀନ୍ ଗସ୍ତକୁ ନେଇ ଟ୍ରମ୍ପ କିଭଳି ପ୍ରତିକିୟା ପ୍ରକାଶ କରିବେ, ତାହା ଆଗାମୀ ସମୟ ହିଁ କହିବ।
Popular Categories
Previous article
Next article