ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସନ୍ଧ୍ୟାରେ ଭିଡିଓ କନଫରେନ୍ସିଂ ଜରିଆରେ ବୈଭବ ସମ୍ମିଳନୀକୁ ଉଦଘାଟନ କରିବେ। ବୈଭବ ସମ୍ମିଳନୀ ହେଉଛି ବିଦେଶ ତଥା ଭାରତୀୟ ଗବେଷକ ଓ ଶିକ୍ଷାବିତମାନଙ୍କ ଏକ ବିଶ୍ୱସ୍ତରୀୟ ଭର୍ଚୁଆଲ୍ ଶିଖର ସମ୍ମିଳନୀ। ଏହି ସମ୍ମିଳନୀ ଆଜିଠାରୁ ଆରମ୍ଭ ହୋଇ ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ଚାଲିବ। ଏହି ସମ୍ମିଳନୀର ଉଦ୍ଦେଶ୍ୟ ହେଉଛି ବିଶ୍ୱର ଶୈକ୍ଷିକ ପ୍ରତିଷ୍ଠାନ ଏବଂ ବିକାଶ ସଂଗଠନ ତଥା ଗବେଷକମାନଙ୍କୁ ଗୋଟିଏ ମଞ୍ଚରେ ବିଜ୍ଞାନ ଓ ଜ୍ଞାନ କୌଶଳ ଆଧାରକୁ ମଜବୁତ କରିବା ପାଇଁ ସହଯୋଗ ପ୍ରଣାଳୀ ଉପରେ ବିତର୍କ କରିବା।
Looking forward to tomorrow’s Vaibhav Summit, which brings together scientists as well as researchers from the Indian diaspora.
Do join at 6:30 PM on 2nd October. pic.twitter.com/fvXxaDhT5q
— Narendra Modi (@narendramodi) October 1, 2020
ଆଜି ଅନଲାଇନ୍ ମାଧ୍ୟମରେ ଆଲୋଚନା ପରେ ଏହି ସମ୍ମିଳନୀକୁ ଉଦଘାଟନ କରାଯିବ। ଏକ ମାସ ଧରି ହେବାକୁ ଥିବା ଏହି ସମ୍ମିଳନୀରେ ବିଦେଶୀ ବିଶେଷଜ୍ଞ ତଥା ଭାରତୀୟ ପ୍ରତିପକ୍ଷଙ୍କ ମଧ୍ୟରେ ୱେବିନାର୍ ଓ ଭିଡିଓ କନଫରେନସିଂ ମାଧ୍ୟମରେ ଏକାଧିକ ଆଲୋଚନା ପର୍ଯ୍ୟାଲୋଚନା ହେବାର କାର୍ଯ୍ୟକ୍ରମ ରହିଛି। ଏଥିରେ ୫୫ଟି ଦେଶରୁ ୩ ହଜାରରୁ ଅଧିକ ବିଦେଶୀ ଭାରତୀୟ ଏବଂ ୧୦ ହଜାରରୁ ଅଧିକ ବୈଜ୍ଞାନିକମାନେ ଭାଗ ନେଉଛନ୍ତି। ଭାରତ ସରକାରଙ୍କ ମୁଖ୍ୟ ବୈଜ୍ଞାନିକ ପରାମର୍ଶଦାତାଙ୍କ ନେତୃତ୍ୱରେ ପ୍ରାୟ ୨୦୦ଟି ଶିକ୍ଷାନୁଷ୍ଠାନ ତଥା ବିଜ୍ଞାନ ଓ ପ୍ରଯୁକ୍ତିବିଦ୍ୟା ବିଭାଗ ଏହି ସମ୍ମିଳନୀ ଆୟୋଜନ କରୁଛନ୍ତି।
ବୈଭବ ସମ୍ମିଳନୀରେ ୪୦ଟି ଦେଶରୁ ୧୫୦୦ରୁ ଅଧିକ ପ୍ୟାନେଲିଷ୍ଟ, ୨୦୦ ଅଗ୍ରଣୀ ଭାରତୀୟ ଅନୁସନ୍ଧାନ ଏବଂ ବିକାଶ ଅନୁଷ୍ଠାନ ୧୮ଟି ବିଭିନ୍ନ କ୍ଷେତ୍ରରେ ୮୦ଟି ବିଷୟ ଉପରେ ଆଲୋଚନା କରିବେ। ଅକ୍ଟୋବର ୩୧ ସର୍ଦ୍ଦାର ପଟେଲ ଜୟନ୍ତୀ ଅବସରରେ ଏହି ଅଧିବେଶନ ଶେଷ ଯୋଜନା କରାଯାଇଛି।
