ନୂଆଦିଲ୍ଲୀ : ୟୁରୋପୀୟ ସଂଘ ସହ ସମ୍ପର୍କକୁ ଅଧିକ ନିବିଡ଼ କରିବା ପାଇଁ ଭାରତର ପ୍ରତିଶ୍ରୁତିବଦ୍ଧତାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦୋହରାଇଛନ୍ତି । ଭାରତ ଓ ୟୁରୋପୀୟ ସଂଘ ହେଉଛନ୍ତି ପରସ୍ପରର ସ୍ବଭାବିକ ସହଯୋଗୀ ରାଷ୍ଟ୍ର ବୋଲି ସେ କହିଛନ୍ତି । ନୂଆଦିଲ୍ଲୀଠରେ ୟୁରୋପୀୟ ସଂଘର ପ୍ରତିନିଧି ଜୋସେଫ ବୋରେଲ ଫଣ୍ଟେଲ୍ସ୍ଙ୍କ ସହ ସାକ୍ଷାତ ଆଲୋଚନା କାଳରେ ପ୍ରଧାନମନ୍ତ୍ରୀ ଏହି ମତ ଦେଇଛନ୍ତି ।
ଜଳବାୟୁ ପରିବର୍ତ୍ତନ, ବାଣିଜ୍ୟ ଓ ଅର୍ଥନୈତିକ ସମ୍ପର୍କ କ୍ଷେତ୍ରରେ ଦୁଇ ପକ୍ଷ ମଧ୍ୟରେ ସହଯୋଗରେ ଅଭିବୃଦ୍ଧି ଘଟିଛି । ଆସନ୍ତା ମାର୍ଚ୍ଚ ମାସରେ ଭାରତ ଓ ୟୁରୋପୀୟ ସଂଘ ମଧ୍ୟରେ ଶିଖର ବୈଠକ ଅତ୍ୟନ୍ତ ଫଳପ୍ରଦ ହେବ ବୋଲି ପ୍ରଧାନମନ୍ତ୍ରୀ ଆଶାବ୍ୟକ୍ତ କରିଛନ୍ତି । ୟୁରୋପୀୟ ସଂଘ କମିଶନ୍ ଏବଂ ୟୁରୋପୀୟ ପରିଷଦର ନେତାମାନଙ୍କ ସହ ପୂର୍ବରୁ ହୋଇଥିବା ତାଙ୍କର କଥାବାର୍ତ୍ତା ବିଷୟରେ ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି। ବ୍ରସେଲ୍ସ୍ରେ ପରବର୍ତ୍ତୀ ଭାରତ-ୟୁରୋପୀୟ ସଂଘ ଶିଖର ବୈଠକର ୟୁରୋପୀୟ ସଂଘ ଆୟୋଜନ କରିବାକୁ ଏହାର ନେତାମାନେ ବ୍ୟଗ୍ରତାର ସହ ଅପେକ୍ଷା କରି ରହିଛନ୍ତି ବୋଲି ୟୁରୋପୀୟ ନେତା ଫଣ୍ଟେଲ୍ସ୍ କହିଛନ୍ତି ।
ୟୁରୋପୀୟ ସଂଘ ସହ ସମ୍ପର୍କକୁ ଅଧିକ ନିବିଡ଼ କରିବା ପାଇଁ ଭାରତ ପ୍ରତିଶ୍ରୁତିବଦ୍ଧ
Popular Categories
Previous article
Next article