ପାତ୍ରପୁର : ପାତ୍ରପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ଫାଇଲେରିଆ ରୋଗର ନିରାକରଣ ପାଇଁ ସାମୂହିକ ଔଷଧ ବଣ୍ଟନ କାର୍ଯ୍ୟକ୍ରମ ଗୁରୁବାର ଶୁଭାରମ୍ଭ ହୋଇଛି । ପାତ୍ରପୁର ବ୍ଲକ କାର୍ୟ୍ୟାଳୟ ପରିସରରେ ଆୟୋଜିତ କାର୍ୟ୍ୟକ୍ରମକୁ ବିଡ଼ିଓ ସୁମନ ସୁଧା କୁଣ୍ଡୁ ଶୁଭାରମ୍ଭ କରିବା ସହ ପ୍ରଥମେ ଔଷଧ ଖାଇଥିଲେ । ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡାକ୍ତର ସମ୍ବିତ ବେଗରାୟ ବିଡ଼ିଓଙ୍କୁ ଔଷଧ ଦେବା ସହିତ ଫାଇଲେରିଆ ନିରାକରଣ ପାଇଁ ସରକାର ଏହି କାର୍ୟ୍ୟକ୍ରମ ହାତକୁ ନେଇ ଏହାର ମୂଳ ଉପ୍ତାଡନ ପାଇଁ ପଦକ୍ଷେପ ନେଇ ଥିବା ବେଳେ ସବୁ ସ୍ତରରେ ସହଯୋଗ କରିବାକୁ ନିବେଦନ କରିଥିଲେ। ଜରଡା ଥାନା ପରିସରରେ ଅଧିକାରୀ ସୁନିଲ କୁମାର ବେହେରାଙ୍କୁ ଡାକ୍ତରଙ୍କ ପକ୍ଷରୁ ଦିଆଯାଇଥିବା ଔଷଧ ଖାଇଥିଲେ। ଏହା ପରେ ସ୍ୱାସ୍ଥ୍ୟ ବିଭାଗର ଏକ ଟିମ ସାମନ୍ତିଆପଲ୍ଲୀ ଶ୍ରୀଭରତପତି ମହାବିଦ୍ୟାଳୟ ଗସ୍ତ କରି ଏକ ସଚେତନତା ସଭା କରି ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକାଙ୍କୁ ଔଷଧ ପ୍ରଦାନ କରି କାର୍ୟ୍ୟକ୍ରମର ଲକ୍ଷ ସମ୍ପର୍କରେ ସମସ୍ତଙ୍କୁ ଅବଗତ କରିଥିଲେ । ବିଶ୍ୱ ସ୍ୱାସ୍ଥ୍ୟ ପ୍ରତିଷ୍ଠାନ ତରଫରୁ ପରିଦର୍ଶିକା ଭାବେ ସୁଶ୍ରୀ ନିବେଦିତା ,ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ପଦ୍ମିନୀ ନାୟକ,ଦୀପକ ମହାପାତ୍ର, ଆରବିଏସକେ ଟିମ ସହଯୋଗ କରିଥିଲେ । ଶ୍ରୀଭରତପତି ମହାବିଦ୍ୟାଳୟରେ ଅଧ୍ୟକ୍ଷ ମାନସ ରଞ୍ଜନ ଆଚାର୍ୟ୍ୟ,ଡ. ଜୟପ୍ରକାଶ ପାଢ଼ୀ ସମେତ ଅଧ୍ୟାପକ ଓ ଅଧ୍ୟାପିକା ମାନେ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ ।
Popular Categories
Previous article
Next article