ସମାଜ ଡିଜିଟାଲ ଡେସ୍କ: ସହିଦ ଲକ୍ଷଣ ନାୟକ ମେଡିକାଲରେ ଆଉ ଜଣେ ରୋଗୀଙ୍କ ମୃତ୍ୟୁ ହୋଇଛି । ଏହାକୁ ମିଶାଇ ୬ଜଣ ରୋଗୀଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମଙ୍ଗଳବାର ରାତିରେ କୋରାପୁଟ ସହିଦ ଲକ୍ଷଣ ନାୟକ ହସ୍ପିଟାଲରେ ୫ଜଣ ରୋଗୀଙ୍କ ମୃତ୍ୟୁ ହେବା ପରେ ଉତ୍ତେଜନା ପ୍ରକାଶ ପାଇଥିଲା । ନର୍ସଙ୍କ ଭୁଲ ଇଞ୍ଜେକସନ ଯୋଗୁଁ ଆଇସିୟୁରେ ୩ଜଣ ଓ ୱାର୍ଡରେ ଦୁଇ ଜଣ ରୋଗୀ ପ୍ରାଣ ହରାଇଥିବା ଅଭିଯୋଗ ହୋଇଥିଲା । ଆଜି ସକାଳେ ଆଉ ଜଣେ ରୋଗୀଙ୍କ ମୃତ୍ୟୁ ହେବା ପରେ ଯାଞ୍ଚ ପାଇଁ ସ୍ୱତନ୍ତ୍ର ଟିମ୍ ଯାଉଥିବା ଡିଏମଇଟି ସୂଚନା ଦେଇଛନ୍ତି । ୫ଜଣିଆ ଟିମ୍ ଗଠନ କରାଯାଇ ଯାଞ୍ଚ କରାଯିବ ବୋଲି ଡିଏମଇଟି କହିଛନ୍ତି । ଟିମରେ ବ୍ରହ୍ମପୁର ଏମକେସିଜିରୁ ୩ଜଣ ଓ ଏସସିବିରୁ ୨ଜଣିଆ ଟିମ୍ ସାମିଲ ହୋଇଛନ୍ତି । ମୃତଦେହ ଗୁଡିକର ଆଜି ବ୍ୟବଚ୍ଛେଦ କରାଯିବା ପରେ ପ୍ରକୃତ କାରଣ ଜଣାପଡିବ । ତେବେ ମେଡିକାଲରେ ଅପ୍ରତିକର ପରିସ୍ଥିତି କିପରି ସୃଷ୍ଟି ନହୁଏ ସେଥିପାଇଁ ପୁଲିସ ଛାଉଣୀ କରାଯାଇଛି । ସେପଟେ ଭୁଲ ଇଞ୍ଜେକସନ ଯୋଗୁ ରୋଗୀ ମୃତ୍ୟୁ ଖବରକୁ ଖଣ୍ଡନ କରିଛନ୍ତି ହସ୍ପିଟାଲ କର୍ତ୍ତୃପକ୍ଷ ।
