ପାଟଣା: କେନ୍ଦୁଝର ଜିଲ୍ଲା ପାଟଣା ରେଞ୍ଜରେ ପୁଣି କିଛି ଦିନର ବ୍ୟବଧାନ ପରେ ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି । ଗତ ରାତିରେ ୨୪ଟିକିଆ ହାତୀପଲ ପଶି ବ୍ୟାପକ ପରିମାଣର ଧାନ ଫସଲ ନଷ୍ଟ କରିଛନ୍ତି । ଏହି ହାତୀପଲ ଏବେ ଉଦୟପୁର ଖଣ୍ଡ ସିଲିପଦା ପଞ୍ଚାୟତ ବେଗନା କାଜୁ ଜଙ୍ଗଲ ହୁଡ଼ିରେ ଡେରା ପକାଇଛନ୍ତି । ହାତୀପଲ ପାଚିଲା ଧାନ ଖାଇବା ସହ ମାଡିଦଳି ନଷ୍ଟ କରି ଦେଉଥିବାରୁ ଚାଷୀଙ୍କ ମଧ୍ୟରେ ଚିନ୍ତା ବଢିଯାଇଛି । ଗାଁ ନିକଟରେ ହାତୀପଲ ବୁଲୁଥିବାରୁ ଲୋକେ ଭୟଭୀତ ଅବସ୍ଥାରେ ଅଛନ୍ତି । ତେବେ ଏହି ହାତୀପଲଙ୍କୁ ଅଞ୍ଚଳରୁ ଘଉଡାଇବାକୁ ଦାବି ହୋଇଛି । ଅନ୍ୟ ପକ୍ଷରେ ହାତୀପଲଙ୍କ ଉପରେ ବନ ବିଭାଗ ନଜର ରଖିଥିବା ବନ ବିଭାଗ ସୂଚନା ଦେଇଛି । ତେବେ ବନବିଭାଗ ଉପରେ ଭରସା ନରଖି ହାତୀ ପଲଙ୍କୁ ଘଉଡ଼ାଇବାକୁ ବହୁ ଲୋକ ରୁଣ୍ଡ ହେଉଥିବା ଦେଖିବାକୁ ମିଳିଛି।
Comments are closed.