ପାଟଣା: ପାଟଣା ବ୍ଲକ ଅନ୍ତର୍ଗତ ପଲାଣଘାଟି ପଞ୍ଚାୟତ କୁମୁଳାବାହାଳି ଗାଁରେ ଆଜି ଭଲ ଆକ୍ରମଣରେ ଜଣେ ଗୁରୁତର ଆହତ ହୋଇଛନ୍ତି । ଗୁରୁତର ବ୍ୟକ୍ତି ଜଣଙ୍କ ସେହି ଗାଁର ଘନଶ୍ୟାମ ମୁଣ୍ଡା (୬୨) ବୋଲି ଜଣାପଡିଛି । ସୂଚନା ମୁତାବକ ଘନଶ୍ୟାମ ଆଜି ଭୋରରୁ ଶୌଚ ପାଇଁ ନିକଟସ୍ଥ ପୋଖରୀକୁ ଯାଇଥିବା ସମୟରେ ଗୋଟିଏ ମା’ ଭାଲୁ ସହ ଦୁଇଟି ଛୁଆ ଭାଲୁ ତାଙ୍କୁ ହଠାତ୍ ଆକ୍ରମଣ କରିଥିଲେ । ସେ ତଳେ ପଡିଯିବାରୁ ତାଙ୍କ କାନ୍ଧକୁ ଆକ୍ରମଣ କରିଥିଲା ଭାଲୁ । ଘନଶ୍ୟାମଙ୍କ ଚିତ୍କାର ଶୁଣି ଅନ୍ୟ ଲୋକମାନେ ଘଟଣାସ୍ଥଳରେ ପହଞ୍ଚି ଭାଲୁଟିକୁ ଘୋଉଡାଇ ଦେଇଥିଲେ । ଗୁରୁତର ଅବସ୍ଥାରେ ଘନଶ୍ୟାମଙ୍କୁ ପ୍ରଥମେ ପାଟଣା ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତାଙ୍କ ଅବସ୍ଥା ଗୁରୁତର ରହିଛି ।
Comments are closed.