ନୂଆଦିଲ୍ଲୀ : ଇସଲାମିକ ସହଯୋଗ ସଂଗଠନ (ଓଆଇସି) ବୈଠକରେ ପାକିସ୍ତାନ ଦ୍ୱାରା କାଶ୍ମୀର ପ୍ରସଙ୍ଗ ଉଠାଯିବା ପରେ ଭାରତ ପ୍ରତିବାଦ ଜଣାଇଛି। କୌଣସି ବହୁରାଷ୍ଟ୍ରୀୟ ସଂଗଠନରେ ଭାରତର ଆଭ୍ୟନ୍ତରୀଣ ମାମଲା ଉପରେ ଚର୍ଚ୍ଚା କରାଯିବା ସଂଗଠନ ଏବଂ ଏହାର ସଦସ୍ୟଙ୍କ ପାଇଁ ଅନୁଚିତ୍ ବୋଲି ଭାରତ ପକ୍ଷରୁ କୁହାଯାଇଛି। ମିଳିତ ଜାତିସଂଘ ସାଧାରଣ ପରିଷଦର ୭୩ତମ ଅଧିବେଶନ ପରେ ବୁଧବାର ଓଆଇସି ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ପାକିସ୍ତାନ କାଶ୍ମୀର ପ୍ରସଙ୍ଗ ଉଠାଇଥିଲା। ଏହାପରେ ଭାରତ ବିଦେଶ ମନ୍ତ୍ରାଳୟ ମୁଖପାତ୍ର ରବୀଶ କୁମାର ଏକ ସାମ୍ବାଦିକ ସମ୍ମିଳନୀରେ ଏହା ଉପରେ ପ୍ରତିବାଦ ଜଣାଇଥିଲେ। ଭାରତର ଆଭ୍ୟନ୍ତରୀଣ ମାମଲା ଉପରେ ମନ୍ତବ୍ୟ ଦେବା କିମ୍ବା ଆଲୋଚନା କରିବା ପାଇଁ ଓଆଇସିର କୌଣସି ଅଧିକାର ନାହିଁ। ପାକିସ୍ତାନ ସବୁବେଳେ ଏକ ପାଖିଆ କଥା କହୁଛି ଓ ଏହା ତାର ପ୍ରକୃତ ରୂପକୁ ପ୍ରଦର୍ଶିତ କରୁଛି। ଉଲ୍ଲେଖଯୋଗ୍ୟ ଯେ ପାକିସ୍ତାନ ସରକାର ଆତଙ୍କବାଦୀ ବୁରହାନ୍ ୱାନି ସହିତ ୨୦ଜଣଙ୍କ ଉପରେ ଡାକଟିକଟ ପ୍ରକାଶ କରିବା ପରେ ନ୍ୟୁୟର୍କଠାରେ ପ୍ରସ୍ତାବିତ ବିଦେଶ ମନ୍ତ୍ରୀସ୍ତରୀୟ ବୈଠକକୁ ଭାରତ ରଦ୍ଦ କରିଦେଇଥିଲା। ଫଳରେ ପାକିସ୍ତାନ ବିଦେଶ ମନ୍ତ୍ରୀ ଶାହ ମେହମୁଦ କ୍ୟୁରେସୀଙ୍କୁ ଛାଡ଼ି ଭାରତ ବିଦେଶ ମନ୍ତ୍ରୀ ସୁଷମା ସ୍ୱରାଜ ଜର୍ମାନୀ, ବୋଲଭିୟା, ଆର୍ମେନିୟା, ପାନାମା, ଅଷ୍ଟ୍ରିୟା, ଆଣ୍ଟାଗୁଆ, ବାରବୁଡ଼ା, ଚିଲି ଓ ଇରାନ ପ୍ରମୁଖ ଦେଶର ବିଦେଶ ମନ୍ତ୍ରୀଙ୍କୁ ଭେଟି ଆଲୋଚନା କରିଛନ୍ତି।
Popular Categories
Previous article
Next article