ବାରଣାସୀ . – ବାରଣାସୀ କେନ୍ଦ୍ରୀୟ କାରାଗାରରେ ବନ୍ଦୀଥିବା ଜଣେ ପାକିସ୍ତାନୀ ନାଗରିକ ମୁକ୍ତ ହୋଇଛନ୍ତି । ଜଲ୍ଲାଉଦ୍ଦିନ ନାମକ ପାକିସ୍ତାନୀ ନାଗରିକଙ୍କୁ ୧୬ ବର୍ଷ ତଳେ ଗୁପ୍ତଚରୀ କରୁଥିବା ଅଭିଯୋଗରେ ବାରଣାସୀର କ୍ୟାଣ୍ଟନମେଣ୍ଟ ଅଞ୍ଚଳରୁ ଗିରଫ କରାଯାଇଥିଲା । ତାଙ୍କ ନିକଟରେ ଅନେକ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ ହୋଇଥିଲା ।
ଜଲ୍ଲାଉଦ୍ଦିନ ପାକିସ୍ତାନର ସିନ୍ଧ ଅଞ୍ଚଳର । ୨୦୦୧ ମସିହାରେ ସେ ବାରଣାସୀର କ୍ୟାଣ୍ଟନମେଣ୍ଟ ଅଞ୍ଚଳରେ ଥିବା ବାୟୁସେନାର ବେସ୍ ନିକଟରେ ପୁଲିସ ତାଙ୍କୁ ଗିରଫ କରିଥିଲା । ପରେ ତାଙ୍କୁ ୧୬ ବର୍ଷ ପାଇଁ କାରାଦଣ୍ଡ ହୋଇଥିଲା । ଗିରଫ ହେବା ସମୟରେ ସେ କେବଳ ସ୍କୁଲ ଯାଏଁ ପଢିଥିବା କହିଥିଲେ । ପରେ ଜେଲ୍ରେ ସେ ପାଠ ପଢି ଏମ୍ଏ ପାସ୍ କରିଥିଲେ । ଏହା ସହ ଇଲେକ୍ଟ୍ରିକାଲ୍ ପାଠ୍ୟକ୍ରମରେ ନାମ ଲେଖାଇଥିଲେ। ଜେଲ୍ରେ ଥିବା କ୍ରିକେଟ ଦଳର ଅମ୍ପିୟାର ଥିଲେ।
ଭାରତ ଛାଡିବା ସମୟରେ ସେ ସାଙ୍ଗରେ ଭାଗବତ୍ଗୀତାର ଏକ ବହି ସାଙ୍ଗରେ ନେଇକରି ଯାଇଛନ୍ତି । ଏକ ସ୍ନତନ୍ତ୍ର ପୁଲିସ ଦଳ ତାଙ୍କୁ ପଞ୍ଜାବର ଅମୃତସର ନେଇକରି ଯାଇଛନ୍ତି । ଓ୍ୱାଘା-ଆଟ୍ଟାରୀ ସୀମା ଦେଇ ତାଙ୍କୁ ପାକିସ୍ତାନ କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯିବ ।
