ମାଲକାନଗିରି : ମାଲକାନଗିରି ଜିଲ୍ଲାରେ ବର୍ତ୍ତମାନ ବହୁ ସଂଖ୍ୟାରେ ବାହାର ରାଜ୍ୟର ଫେରିବାଲା ବ୍ୟବସାୟୀଙ୍କ ଭିଡ ଜମିଛିା ବିଶେଷ କରି ମାଲକାନଗିରି ସଦର ମହକୁମାଠାରୁ ଆରମ୍ଭ କରି ବିଭିନ୍ନ ଗ୍ରାମାଞ୍ଚଳରେ ଏହି ବ୍ୟବସାୟୀଙ୍କ ପ୍ରାଦୁର୍ଭାବ ବଢିଛିା କରୋନା ମହାମାରୀ ପରେ ଜିଲ୍ଲାରେ ଅର୍ଥନୈତିକ ସ୍ଥିତି ଶୋଚନୀୟ ହୋଇ ପଡିଥିବା ବେଳେ ବର୍ତମାନ ବାହାର ରାଜ୍ୟର ବ୍ୟବସାୟୀମାନେ ଜିଲ୍ଲାରେ ବ୍ୟବସାୟ କରି ଗଚ୍ଛିତ ଅର୍ଥକୁ ବାହାର ରାଜ୍ୟକୁ ପଠାଉଛନ୍ତିା ଏହା ଜିଲ୍ଲା ପାଇଁ ଅର୍ଥନୈତିକ ବିପଦ ସୃଷ୍ଟି କରୁଥିବା ସାଧାରଣରେ ଚର୍ଚ୍ଚା ହେଉଛିା
ଜିଲ୍ଲାରେ ଏହା ପ୍ରଥମ ଥର ନୁହେଁ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ପଡୋଶୀ ରାଜ୍ୟ ଆନ୍ଧ୍ର, ତେଲେଙ୍ଗାନା, ଛତିଶଗଡ, ହାଇଦ୍ରାବାଦ, ରାଜସ୍ଥାନ, ହରିୟାଣା, ବିହାର ଓ ପଶ୍ଚିମବଙ୍ଗରୁ ହଜାର ହଜାର ସଂଖ୍ୟକ ଲୋକ ଏଠାକୁ ଦାଦନ ଖଟିବାକୁ ଆସୁଥିବା ବେଳେ ସମାନ ସଂଖ୍ୟକ ଫେରିବାଲା ମଧ୍ୟ ଜିଲ୍ଲାରେ ପ୍ରବେଶ କରୁଛନ୍ତି। ଯେଉଁଥି ପାଇଁ ଆଜି ପର୍ଯ୍ୟନ୍ତ ମାଲକାନଗିରି ଜିଲ୍ଲା କରୋନା ମୁକ୍ତ ହୋଇ ପାରିନାହିଁ। ବାହାର ରାଜ୍ୟର ଲୋକ ଅନବରତ ଜିଲ୍ଲାର ବିଭିନ୍ନ ଗ୍ରାମାଞ୍ଚଳରେ ଗସ୍ତ କରି ବ୍ୟବସାୟ କରୁଛନ୍ତି ଯଦ୍ୱାରା ଗ୍ରାମାଞ୍ଚଳର ଆର୍ଥିକ ସ୍ଥିତି ଭୁଶୁଡିବା ସହ ଡେଙ୍ଗୁ ଓ କରୋନା ତଥା ବିଭିନ୍ନ ମଶାବାହିତ ଓ ବାୟୁ ବାହିତ ରୋଗରେ ପୀଡିତ ହେଉଛନ୍ତିା ଏହା ବ୍ୟତୀତ ଚୋରୀ ଓ ଡକାୟତିଙ୍କ ଉପଦ୍ରବ ମଧ୍ୟ ବଢି ଚାଲିଛିା
ଗତ ଏକ ସପ୍ତାହ ମଧ୍ୟରେ ଓର୍କେଲ ଥାନା ଅଞ୍ଚଳର ଏମ୍.ଭି. ୫୧ ଓ ଏମ୍.ଭି. ୫୨ ଗ୍ରାମର ଦୁଇଟି ସ୍ଥାନରେ ଚୋରୀ ହୋଇଥିବା ଓର୍କେଲ ପୁଲିସ ନିକଟରେ ମାମଲା ରୁଜୁ ହୋଇଛିା ଏହା ବ୍ୟତୀତ ମାଲକାନଗିରି ସଦର ମହକୁମା ସ୍ଥିତ ସାପ୍ତାହିକ ହାଟରୁ ଅନେକ ଥର ମୋବାଇଲ ଚୋରି ହୋଇଥିବା ମାଲକାନଗିରି ପୁଲିସ ନିକଟରେ ମାମଲା ରୁଜୁ ହୋଇଥିବା ନଜିର ରହିଛିା ଏହି ମାମଲାରେ ବାହାର ରାଜ୍ୟରୁ ଆସିଥିବା ଲୋକମାନେ ହିଁ ଚିହ୍ନଟ ହୋଇଛନ୍ତିା ବର୍ତମାନ ଜିଲ୍ଲା ପ୍ରଶାସନ ଏହି ବାହାର ରାଜ୍ୟର ବ୍ୟବସାୟୀଙ୍କୁ ପ୍ରଶ୍ରୟ ନ ଦେଇ ଜିଲ୍ଲାରୁ ବ୍ୟବସାୟୀମାନଙ୍କୁ ବାହାର କରିବା ନିମନ୍ତେ ସାଧାରଣରେ ଦାବି ହୋଇଛିା
