ଲକ୍ଷ୍ମୌ- ଏବେ ଅନେକ ଆର୍ଥିକ ନେଣ ଦେଣ ଅନ୍ଲାଇନ୍ରେ ହେଉଛି । ଏଥିରୁ ପୁଲିସ ବି ବର୍ତ୍ତିନାହାନ୍ତି । ଆମେ ଅନ୍ଲାଇନ୍ ଚାଲାଣ କଥା ନୁହେଁ ଅନ୍ଲାଇନ୍ ଲାଞ୍ଚ କଥା କହୁଛୁ । ଅନ୍ଲାଇନ୍ ଲାଞ୍ଚ ନେଇ ଦୁଇ ଜଣ ପୁଲିସ କର୍ମଚାରୀ ଜେଲ୍ରେ ।
ଭାରତ ନେପାଳ ସୀମାରେ ଥିବା ବଳରାମପୁରକୁ କିଛି ଯୁବକ ବୁଲିବା ପାଇଁ ଯାଇଥିଲେ । ସେଠାରେ ନିୟୋଜିତ ଥିବା ଏସ୍ଏ୍ସବି ଯବାନମାନେ ସୀମାପାର ହେବା ପାଇଁ ବାରଣ କରିଥିଲେ । ଏହାପରେ ସେହି ଯୁବକମାନେ ଫେରୁଥିବା ବେଳେ ଜରବା ଥାନାର ଦୁଇ ଜଣ ପୁଲିସ କର୍ମଚାରୀ ଏହି ଯୁବକମାନଙ୍କୁ ରୋକିଥିଲେ । ପୁଲିସ କନେଷ୍ଟବଳ ରାଜୁଯାଦବ ଏବଂ ଧୁର୍ବ, ଏମାନଙ୍କୁ ୫ ଘଣ୍ଟାକାଳ ଥାନା ବାହାରେ ବସାଇ ରଖିଥିଲେ ।
ସେମାନଙ୍କୁ ଛାଡିବା ପାଇଁ ପ୍ରାୟ ୫୦ ହଜାର ଟଙ୍କା ମାଗିଥିଲେ । ୨୪ ହଜାର ଟଙ୍କା ନଗଦ ଏବଂ ୪ ହଜାର ଟଙ୍କା ଅନ୍ଲାଇନ୍ରେ ନେବାପରେ ଯୁବକମାନଙ୍କୁ ସେଠାରୁ ଛାଡିଥିଲେ ।
ଯୁବକମାନେ ସେଠାରୁ ଫେରିବାପରେ ଏସ୍ପିଙ୍କୁ ଏ ବିଷୟରେ ଲିଖିତ ଭାବରେ ଜଣାଇଥିଲେ । ଏହାର ଯାଞ୍ଚ କରାଯାଇଥିଲା । ଭ୍ରଷ୍ଟାଚାର ନିବାରଣ ଅଧିନିୟମରେ ଏହି ଦୁଇ ପୁଲିସ କର୍ମଚାରୀଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।
Comments are closed.