ନବରଙ୍ଗପୁର : ରାଜ୍ୟ ସରକାରଙ୍କ ପକ୍ଷରୁ ଆକାଂକ୍ଷୀ ବ୍ଲକ ତଥା ଆକାଂକ୍ଷୀ ଜିଲା କାର୍ଯ୍ୟକ୍ରମ ଅନ୍ତର୍ଗତ ସମ୍ପୂର୍ଣ୍ଣତା ଅଭିଯାନର ଛଅଟି ସୁଚାଙ୍କ ପରିପୂର୍ଣ୍ଣତା ନିମନ୍ତେ ନବରଙ୍ଗପୁର ଜିଲା ସ୍ୱର୍ଣ୍ଣ ପଦକ ହାସଲ କରିଛି । ଜିଲା ତରଫରୁ ଜିଲାପାଳ ଡ଼ଃ. ମହେଶ୍ଵର ସ୍ଵାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କଠାରୁ ପୁରସ୍କାର ଗ୍ରହଣ କରିଛନ୍ତି । ମଙ୍ଗଳବାର ଭୁବନେଶ୍ୱର ଠାରେ ଆୟୋଜିତ ରାଜ୍ୟସ୍ତରୀୟ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ମୁଖ୍ୟମନ୍ତ୍ରୀଙ୍କ ସମେତ ମୁଖ୍ୟ ଶାସନ ସଚିବ ଓ ଉନ୍ନୟନ କମିଶନର ଯୋଗଦେଇଥିଲେ ।
ନବରଙ୍ଗପୁର ଜିଲା ୬ ସୁଚାଙ୍କ ପରିପୂର୍ଣ୍ଣତା ହାସଲ କରି ଆଙ୍କାକ୍ଷା ଜିଲା ଭାବେ ସ୍ୱର୍ଣ୍ଣ ପଦକ ହାସଲ କରିଛି । ଏହା ସହିତ ଡ଼ାବୁଗାଁ ବ୍ଲକ ତାମ୍ର ପଦକ ହାସଲ କରିଛି । ତେନ୍ତୁଳିଖୁଣ୍ଟି ବ୍ଲକକୁ ମଧ୍ୟ ସମ୍ମାନୀତ କରାଯାଇଛି । ଏହି କାର୍ଯ୍ୟକ୍ରମରେ ଡଃ. ମହେଶ୍ବର ସ୍ୱାଇଁ, ଜିଲାପାଳ, ନବରଙ୍ଗପୁର ଡ଼ା. ଶୁଭଙ୍କର ମହାପାତ୍ର, ପୂର୍ବତନ ଜିଲାପାଳ, ଡ.କମଳ ଲୋଚନ ମିଶ୍ର, ପୂର୍ବତନ ଜିଲାପାଳ, ମୁଖ୍ୟ ଉନ୍ନୟନ ଅଧିକାରୀ ବିରଞ୍ଚିନାରାୟଣ ଦରୱାନ, ମନୋଜ ପାଣିଗ୍ରାହୀ, ବିଡିଓ, ତେନ୍ତୁଳିଖୁଣ୍ଟି ଏବଂ ଶରତ ମାଝୀ, ବିଡିଓ, ଡ଼ାବୁ ଗାଁ ପ୍ରମୁଖ ଯୋଗ ଦେଇ ସମ୍ମାନ ଗ୍ରହଣ କରିଥିଲେ। ଏହା ନବରଙ୍ଗପୁର ଜିଲାକୁ ଗୌରବ ଆଣିଦେଇଛି।
