ଆଠଗଡ : ଆଠଗଡ ବନାଞ୍ଚଳ ଅନ୍ତର୍ଗତ କୁଲାଇଲୋଠାରେ ରବିବାର ସକାଳେ ଅଜଣା ଗାଡି ଧକ୍କାରେ ଏକ ହରିଣର ମୃତ୍ୟୁ ହୋଇଥିବା ଜଣାପଡିଛି । ହରିଣଟି ନିକଟସ୍ଥ ରାଣୀବଣିଆ ସଂରକ୍ଷିତ ଜଙ୍ଗଲରୁ ଭୋର ସମୟରେ ପାଣି ପିଇବା ପାଇଁ କୁଲାଇଲୋ ଗ୍ରାମ ଆଡକୁ ପଳାଇ ଆସିଥିଲା । ଖୁଣ୍ଟୁଣୀ-ନରସିଂହପୁରର ୬୫ ରାଜ୍ଯ ରାଜପଥର କୁଲାଇଲୋ ହାଇସ୍କୁଲ ନିକଟରେ ହରିଣଟି ରାସ୍ତା ପାର ହେଉଥିବା ବେଳେ କୌଣସି ଏକ ଗାଡି ତାକୁ ଧକ୍କା ଦେବା ଫଳରେ ତାର ମୃତ୍ଯୁ ହୋଇ ଯାଇଥିଲା। ଖବର ପାଇ ଆଠଗଡ ସଦର ବନପାଳ ଆଶିଷ ନାୟକ ଓ ବନରକ୍ଷୀ ରଶ୍ମୀ ବାରିକ ଘଟଣାସ୍ଥଳରେ ପହଞ୍ଚିବା ପରେ ଡିଏଫଓ ଡାକ୍ତର ଯଜ୍ଞଦତ୍ତ ପତିଙ୍କ ନିର୍ଦ୍ଦେଶ କ୍ରମେ ମୃତ ହରିଣଟିକୁ କୁଲାଇଲୋ ନର୍ସରୀରେ ନେଇଯାଇଥିଲେ । ବ୍ଲକ ପ୍ରାଣୀ ଚିକିତ୍ସାଧିକାରୀ ଅନ୍ତର୍ଯ୍ୟାମୀ ବାରିକ ଉକ୍ତ ନର୍ସରୀ ମଧ୍ଯରେ ମୃତ ହରିଣର ବ୍ୟବଚ୍ଛେଦ କରିବା ପରେ ମୃତଦେହ ସେହିଠାରେ ପୋତି ଦିଆଯାଇଥିଲା।
Popular Categories
Previous article
Next article