ଆରଡି : ବୈତରଣୀ ନଦୀରେ ଦେଖା ଦେଇଥିବା ବନ୍ଯା ଦୀର୍ଘ ୭ ଦିନ ପରେ ଛାଡ଼ି ଯାଇଛି। ହେଲେ ଭଦ୍ରକ ଜିଲ୍ଲାର ସୀମାନ୍ତବର୍ତ୍ତୀ ଚାନ୍ଦବାଲି ବ୍ଲକର ୪ଟି ପଞ୍ଚାୟତରେ ଘଟାଇଛି ବ୍ୟାପକ କ୍ଷୟକ୍ଷତି। ବିଶେଷ ଭାବେ ପ୍ରଭାବିତ ହୋଇଛି ଚାଷ। ବ୍ଲକର ଆରଡି, ଓଳଗ, ନାନ୍ଦପୁର, ସୁନ୍ଦରପୁର ୪ଟି ପଞ୍ଚାୟତର ୨୦ ଗାଁ ପ୍ରଭାବିତ ହୋଇଛି। ସେହିପରି ଆଖଣ୍ଡଳମଣି-କୁଆଖିଆ ୨୦ନମ୍ଵର ଜାତୀୟ ରାଜପଥର ବୋଡକ ନିକଟରେ ୧କିମି ରାସ୍ତା ଧାଇଯିବା ସହ ନଦୀକୁ ସୁରକ୍ଷା ପାଚେରୀ ଢଳି ରହିଥିବାରୁ ରାସ୍ତାରେ ଫାଟ ସୃଷ୍ଟି ହୋଇଛି । ଫଳରେ ବିପଦପୂର୍ଣ୍ଣ ଭାବେ ଯାଆଆସ କରୁଛନ୍ତି ପଥଚାରୀ ଓ ଛୋଟବଡ ଯାନବାହନ । ସେହିପରି ଅନେକ ଗାଁ ରାସ୍ତା ଓ ମୁଖ୍ୟ ରାସ୍ତା ଧୋଇ ଯାଇଥିବାରୁ ଯାତାୟତରେ ନାନା ଅସୁବିଧା ଦେଖାଦେଇଛି। ବନ୍ୟାପାଣି ଉଜାଡି ଦେଇଛି ଚାଷଜମିର ସାରଦ ଧାନତଳି। ଏବେବି ବହୁ ଚାଷଜମି ଜଳମଗ୍ନ ହୋଇ ରହିଛି। ସେହିପରି ବହୁ କଚ୍ଚାଘର ଧୋଇ ଯାଇଥିବାରୁ ଉଜୁଡା ଘରକୁ ସଜାଡିବାରେ ଲାଗିପଡିଛନ୍ତି ବିପନ୍ନ। ସେହିପରି ହଜାର ହଜାର ଗୃହପାଳିତ ପଶୁ ମଧ୍ଯ ପ୍ରଭାବିତ ହୋଇଛନ୍ତି। ଏବେ ସରକାରୀ ସହାୟତାକୁ ଅପେକ୍ଷାରେ ଚାହିଁ ରହିଛନ୍ତି ବିପନ୍ନ ଓ ଚାଷୀ।
Popular Categories
Previous article
Next article