କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକର ମାଝିଗୁଡା ପଞ୍ଚାୟତର ସାପ୍ତାହିକ ହାଟରେ କିଣାବିକା କରିବାକୁ ଆସିଥିବା ଲୋକଙ୍କ ପାଖରୁ ମୋବାଇଲ ଓ ରଖିଥିବା ବାଇକର ତାଲା ଭାଙ୍ଗୁ ଥିବା କିଛି ଲୋକ ଦେଖି ଚୋରକୁ କାବୁ କରି ପୁଲିସ ଜିମା ଦେଇଥିବା ଦେଖିବାକୁ ମିଳିଛି। ଆଜି ହାଟ ଚାଲୁଥିବା ବେଳେ କିଛି ଯୁବକ ହାଟ ପଦରୁ ପ୍ରଧାନୀଗୁଡା ଗ୍ରାମର ଜଣେ ଲୋକ ବଜାର କରୁଥିବା ବେଳେ ତାଙ୍କଠାରୁ ମୋବାଇଲ ଚୋରାଇ କରି ନେଇ ଯାଇ ଏକ ବାଇକର ହ୍ୟାଣ୍ଡଲ ତାଲାକୁ ଭାଙ୍ଗୁଥିବା କିଛିଲୋକ ଦେଖି ଚୋର ମାନଙ୍କୁ କାବୁ କରି ମାଡ଼ ମାରି ପୁଲିସ ଜିମା ଦେଇଥିଲେ। ଚୋରି ହୋଇଥିବା ଯୁବକ ତାର ମୋବାଇଲ ଖୋଜି ଖୋଜି ଉକ୍ତ ଲୋକଙ୍କ ପାଖରେ ପହଞ୍ଚି ପଚାର ଉଚରା କରିବା ବେଳେ ସେମାନେ ମୋବାଇଲ ଚୋରାଇ ନେଇଥିବା କହିଥିଲେ। ସେହି ଚୋର ମାନେ ବନବାସ ଶବରଙ୍କ ପୁଅ ସାଗର ଶବର, ଗନୁ ଶବରଙ୍କ ପୁଅ ଶେଖର ଶବର, ଗୁଡ଼ିଆ ଶବରଙ୍କ ପୁଅ ଆକାଶ ଶବର ଗ୍ରାମ ନବରଙ୍ଗପୁର ବୋଲି କହିଛନ୍ତି। ଏହି ସମ୍ପର୍କରେ କଲ୍ୟାଣସିଂହପୁର ଥାନା ଅଧିକାରୀ ମୁକୁନ୍ଦ ଦେବ ନାୟକଙ୍କୁ ପଚାରିବାରୁ ପଚରାଉଚରା ଚାଲିଛି ପ୍ରକୃତ ଘଟଣା ଜାଣିଲେ ଗିରଫ କରି କୋର୍ଟ ଚାଲାଣ କରାଯିବ ବୋଲି କହିଛନ୍ତି।
Popular Categories
Previous article
Next article