କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନାରାୟଣପୁର ପଞ୍ଚାୟତରେ ଥିବା କଲ୍ୟାଣ ମଣ୍ଡପ ଠାରେ ଦକ୍ଷତା ବିକାଶ ଓ ପ୍ରଶିକ୍ଷଣ ଯୋଜନା ମାଧ୍ୟମରେ ବ୍ଲକ ସ୍ତରୀୟ ଉଦ୍ୟାନ କୃଷି କର୍ମଶାଳା ଅନୁଷ୍ଠିତ ହୋଇଛି। କର୍ମଶାଳାରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ଅମ୍ରିତା କାଡ୍ରାକା ଉପସ୍ଥିତ ରହିଥିବା ବେଳେ ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡା.ସୁଶୀଲ କୁମାର ସେଠି, ଉଦ୍ୟାନ କୃଷି ଅଧିଦର୍ଶକ ଯୁଧିଷ୍ଠିର ନାଏକ, ଭ୍ରାମ୍ୟମାଣ ଚିକିତ୍ସା ଅଧିକାରୀ ଡା.ବିଚିତ୍ରାନନ୍ଦ ସାହୁ, ମିଶନ ଶକ୍ତିର ବିପିସି ରାଜୀବ କୁମାର ପାଢୀ, ବିଟିଏମ ବିରେନ୍ଦ୍ର କୁମାର ପାଢୀ ସଂମ୍ମାନୀୟ ଅତିଥୀ ଭାବେ ଯୋଗ ଦେଇଥିଲେ। ସୁନୀଲ କୁମାର ସେଠି ସମସ୍ତ ବିଭାଗୀୟ ଯୋଜନା ଉପସ୍ଥାପନା କରିଥିଲେ। ଉଦ୍ୟାନ କୃଷି ଅଧିଦର୍ଶକ ଉଦ୍ୟାନ କୃଷି ବିଭାଗର ସମସ୍ତ ଜନ ମଙ୍ଗଳକାରୀ ଯୋଜନା ବିଷୟରେ ଉପସ୍ଥାପନା କରିବା ସହ ସରକାରଙ୍କ ସମସ୍ତ ଯୋଜନାରେ ଚାଷୀ ସାମିଲ ହୋଇ ଲାଭ ଉଠାଇବା ପାଇଁ ଶ୍ରୀ ନାଏକ ବୁଝାଇଥିଲେ।
Comments are closed.