ଓଡ଼ିଶା ଜ୍ଞାନ ପ୍ରଣାଳୀ: ସ୍ୱଦେଶୀ ଜ୍ଞାନ ଏବଂ ବୌଦ୍ଧିକ ପରମ୍ପରା ସମ୍ପର୍କିତ ୨ ଦିନିଆ କର୍ମଶାଳା ଅନୁଷ୍ଠିତ

ଡେସ୍କ: ବିଜେବି ସ୍ୱୟଂଶାସିତ ମହାବିଦ୍ୟାଳୟ ସଂସ୍କୃତ ବିଭାଗରେ ଅନୁଷ୍ଠିତ ଏକ ଦୁଇ ଦିନିଆ ରାଷ୍ଟ୍ରୀୟ ଆଲୋଚନା ଚକ୍ର ଉଦଯାପିତ ହୋଇଯାଇଛି। ‘ଓଡ଼ିଶା ଜ୍ଞାନ ପ୍ରଣାଳୀ: ସ୍ୱଦେଶୀ ଜ୍ଞାନ ଏବଂ ବୌଦ୍ଧିକ ପରମ୍ପରା’ ଶୀର୍ଷକ ଏହି ଆଲୋଚନା ଚକ୍ରରେ ଉତ୍କଳୀୟ ଜ୍ଞାନ ପରମ୍ପରା, ସାରଳା ସାହିତ୍ୟ, ପୋଥି ପରମ୍ପରା, ଜ୍ୟୋତିଷ ଶାସ୍ତ୍ର, ବ୍ୟାକରଣ ପରମ୍ପରା ଇତ୍ୟାଦି ବିଷୟରେ ବିସ୍ତୃତ ଆଲୋଚନା କରାଯାଇଥିଲା।

ବ୍ରହ୍ମବାକ ଶୈକ୍ଷଣୀୟ ସଂସ୍ଥାର ପୃଷ୍ଠପୋଷକତାରେ ଅନୁଷ୍ଠିତ ଏହି କର୍ମଶାଳାରେ ପଦ୍ମଶ୍ରୀ ଡ ଅଶୋକ କୁମାର ମହାପାତ୍ର ମୁଖ୍ୟ ଅତିଥି, ଜେଏନୟୁର ଓଡ଼ିଆ ବିଭାଗ ପ୍ରଫେସର ଉଦୟ ନାଥ ସାହୁ ସମ୍ମାନୀତ ଅତିଥି, ଅରୁଣ ଉପାଧ୍ୟାୟ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ। ବ୍ରହ୍ମବାକ ସଭାପତି ପ୍ରଫେସର୍ ସୁବାସ ଚନ୍ଦ୍ର ଦାଶ କର୍ମଶାଳାର ଆଭିମୁଖ୍ୟ ସମ୍ପର୍କରେ ସୂଚନା ପ୍ରଦାନ କରିଥିଲେ। ଅନ୍ୟ ମାନଙ୍କ ମଧ୍ୟରେ ପ୍ରଫେସର୍ ଚକ୍ରଧର ବେହେରା, ଶ୍ରିନୀରୁଧ ଦାଶ, ଡ ମମତା ମିଶ୍ର ପ୍ରମୁଖ ଏହି କର୍ମଶାଳାରେ ଯୋଗ ଦେଇଥିଲେ।

ମହାବିଦ୍ୟାଳୟର ଅଧ୍ୟକ୍ଷା ଡ ଝୂମକି ରଥ ଏହି ଅବସରରେ ସ୍ଵମତ ପ୍ରଦାନ କରିଥିବା ବେଳେ ବିଭାଗୀୟ ମୁଖ୍ୟ ଡ଼. ସୁଜିତ ମିଶ୍ର ସ୍ୱାଗତ ଭାଷଣ ଏବଂ ଡ ଶାନ୍ତିପ୍ରିୟା ଦେଵୀ ଧନ୍ୟବାଦ ପ୍ରଦାନ କରିଥିଲେ। ପରିଶେଷରେ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।