ଗଞ୍ଜାମ: ବ୍ରହ୍ମପୁର ବନଖଣ୍ଡସ୍ଥ ଖଲ୍ଲିକୋଟ ରେଞ୍ଜ ସହକାରୀ ବନ ସଂରକ୍ଷକଙ୍କ ପରାମର୍ଶ କ୍ରମେ ଖଣ୍ଡଦେଉଳି ହାଇସ୍କୁଲ ଇକୋ କ୍ଲବ ଛାତ୍ର ଛାତ୍ରୀ ଏବଂ ରମ୍ଭା ହାଇସ୍କୁଲ ଏନସିସି କ୍ୟାଡେଟଙ୍କ ମିଳିତ ସହଯୋଗରେ ଅଲିଭ ରିଡଲେଙ୍କ ପ୍ରମୁଖ ଗଣ ଅଣ୍ଡାଦାନସ୍ଥଳୀ ଋଷିକୂଲ୍ୟା ମୁହାଣ ଅଞ୍ଚଳ ବଟେଶ୍ୱର ବେଳାଭୂମିର ପ୍ରାୟ ୨କିମି ପର୍ଯ୍ୟନ୍ତ ଛାତ୍ର ଛାତ୍ରୀ ମାନଙ୍କ ଦ୍ୱାରା ସଫେଇ କରାଯାଇଛି। ଅଲିଭ ରିଡଲେଙ୍କ ସୁରକ୍ଷିତ ଗଣ ଅଣ୍ଡାଦାନ ପାଇଁ ବେଳାଭୂମିରେ ପଡ଼ିଥିବା ପଲିଥିନ, ପାଣି ବୋତଲ, ଛିଣ୍ଡା ଜାଲ, ଛିଣ୍ଡା ଚପଲ, ରବର, ଭଙ୍ଗା କାଚ, ଥରମୋକୋଲ, ଛିଣ୍ଡା ଦଉଡି, ଗୁଟଖା ଜରି, କୁରକୁରି ଜରି ପରି ଜୈବ ନିମ୍ନୀକରଣ ଅଯୋଗ୍ୟ ପଦାର୍ଥ ଗୁଡିକ ସଫେଇ କରି ପ୍ରାୟ ୧୪୦ କିଲୋଗ୍ରାମର ବର୍ଜ୍ୟବସ୍ତୁ ଗୁଡିକୁ ବେଳାଭୂମି ଠାରୁ ଦୂର ସ୍ଥାନରେ ରଖାଯାଇଥିଲା। ଏହି କାର୍ଯ୍ୟକ୍ରମରେ ଛାତ୍ର ଛାତ୍ରୀ ମାନଙ୍କୁ ବେଳାଭୂମି ସଫେଇର ଗୁରୁତ୍ୱ ଏବଂ ସଚେତନତା କରେଇବା ପାଇଁ ମୁଖ୍ୟ ଅତିଥି ରୂପେ ଖଲ୍ଲିକୋଟ ସହକାରୀ ବନ ସଂରକ୍ଷକ ଦିବ୍ୟ ଶଙ୍କର ବେହେରା ଅଲିଭ ରିଡଲେଙ୍କ ଗଣ ଅଣ୍ଡାଦାନ ପ୍ରକ୍ରିୟା ପାଇଁ ଗୁରୁତ୍ୱ ଏବଂ ପଲିଥିନର କୁପ୍ରଭାବ ଗଣ ଅଣ୍ଡାଦାନକୁ କିପରି ପ୍ରଭାବିତ କରିଥାଏ ସଚେତନ କରାଇଥିଲେ। ଜିଲ୍ଲା ସଂଯୋଜକ ଡଃ ଶଙ୍କର ନାରାୟଣ ବେଜଙ୍କ ନେତୃତ୍ୱରେ ଏହି କାର୍ଯ୍ୟକ୍ରମ ହୋଇଥିଲା।
Popular Categories
Previous article
Next article