ଚେକଡ୍ୟାମରୁ ମିଳିଲା ନିଖୋଜ ଶିକ୍ଷକଙ୍କ ମୃତଦେହ

କାଲିମେଳା: ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ପୁସୁଗୁଡା ଚେକଡ୍ୟାମରୁ ନିଖୋଜ ଥିବା ଜଣେ ଶିକ୍ଷକଙ୍କ ମୃତଦେହ ଉଦ୍ଧାର ହୋଇଛି। ମୃତ ଶିକ୍ଷକ ଜଣଙ୍କ କାଲିମେଳା ବିବେକାନନ୍ଦ କଲୋନୀରେ ରହୁଥିବା ହାରାନ ମଣ୍ଡଳ ବୋଲି ଜଣାପଡିଛି। ଶିକ୍ଷକ ଜଣଙ୍କ ଗତ ଡିସେମ୍ବର ୨୯ ତାରିଖ ରାତି ୧୧ଟା ସମୟରୁ ନିଖୋଜ ଥିଲେ। ପରିବାର ଲୋକ ହାରାନଙ୍କୁ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ପତ୍ତା ମିଳିନଥିଲା। ଏନେଇ ପରିବାର ଲୋକ ଗତ ଶୁକ୍ରବାର ଦିନ କାଲିମେଳା ଥାନାରେ ନିଖୋଜ ଥିବା ନେଇ ଥାନାରେ ଲିଖିତ ଜଣାଇଥିଲେ। ଶନିବାର ଶିକ୍ଷକ ହାରାନଙ୍କ ମୃତ ଦେହ ପାଣିରେ ଭାସୁଥିବା କିଛି ଲୋକ ଦେଖି ପୋଲିସକୁ ଖବର ଦେଇଥିଲେ। ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ କାଲିମେଳା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲା