ଆରଡି: ବୁଧବାର ଠାରୁ ଆରମ୍ଭ ହୋଇଛି ସୁଭଦ୍ରା ଯୋଜନାର ଫର୍ମ ଦାଖଲ। ଏଥିପାଇଁ ଆରଡି ପଞ୍ଚାୟତ ସମେତ ନାନ୍ଦପୁର, ସୁନ୍ଦରପୁର, ଓଳଗ ଆଦି ପଞ୍ଚାୟତରେ ଥିବା ଆଧାର କେନ୍ଦ୍ର ଓ ମୋ ସେବା କେନ୍ଦ୍ରରେ ଆଗରେ ଆଧାର ଲିଙ୍କ ଓ ଫର୍ମ ଦାଖଲ ପାଇଁ ଅର୍ଦ୍ଧରାତ୍ରରୁ ମହିଳାଙ୍କ ଲମ୍ବା ଧାଡି ଲାଗିଥିଲା। ଏହି ଯୋଜନାରେ ଅର୍ନ୍ତଭୁକ୍ତ ମହିଳାମାନଙ୍କ ଫର୍ମ ଦାଖଲ ନିମନ୍ତେ କୌଣସି ଦେୟ ଦେବାକୁ ପଡିବ ନାହିଁ ବୋଲି ଘୋଷଣା କରିଥିଲେ ମଧ୍ୟ କେତେକ ସେବା କେନ୍ଦ୍ର ଓ ଆଧାର କେନ୍ଦ୍ରରେ ଟଙ୍କା ଜୁଲମକୁ ନେଇ ମହିଳାଙ୍କ ଅଭିଯୋଗ ସହ ହଟ୍ଟଗୋଳ ଲାଗି ରହିଥିଲା। ଏପରି ଖବର ସଂଗ୍ରହ ସମୟରେ ସେବା କେନ୍ଦ୍ରର ଏଜେଣ୍ଟମାନେ ବନ୍ଦ କରି ପଳାଇ ଯାଇଥିଲେ। ଫଳରେ ବହୁ ମହିଳା ଫର୍ମ ଦାଖଲ ଓ ଆଧାର ସଂଶୋଧନ ନ କରିପାରି ହଇରାଣ ହୋଇଥିଲେ।
Comments are closed.