ସମ୍ବଲପୁର: ଆଗାମୀ ବିଶ୍ୱ ପରିବେଶ ଦିବସ ପାଇଁ ଜେଏସଡବ୍ଲ୍ୟୁ ବିପିସଏଲ ଓ ଜେଏସଡବ୍ଲ୍ୟୁ ଫାଉଣ୍ଡେସନ ପକ୍ଷରୁ ମିଳିତ ଭାବରେ ଜେଏସଡବ୍ଲ୍ୟୁ ବିପିସଏଲ ଅନ୍ତର୍ଗତ ସ୍କୁଲ ଗୁଡିକରେ ଜନତା ଓ ଛାତ୍ରଛାତ୍ରୀ ମାନଙ୍କ ମଧ୍ୟରେ ପରିବେଶ ପ୍ରତି ସଚେତନତା ବୃଦ୍ଧି କରିବା ପାଇଁ ଚିତ୍ରାଙ୍କନ ପ୍ରତିଯୋଗିତା ଆୟୋଜିତ ହୋଇଯାଇଛି। ଚଳିତ ବର୍ଷ ପ୍ରତିଯୋଗିତାରେ ‘ଜମି ପୁନରୁଦ୍ଧାର, ମରୁଭୂମି ଓ ମରୁଡ଼ିର ମୁକାବିଲା’ ବିଷୟବସ୍ତୁ ଉପରେ ଆଧାରିତ ଚିତ୍ର ଆଙ୍କି ସମୁହ ଜମି ଓ ଇକୋ ସିଷ୍ଟମର ପୁନରୁଦ୍ଧାର, ପରିବେଶର ବିବିଧତାକୁ ରକ୍ଷା କରିବା ଏବଂ ଜଳବାୟୁ ପରିବର୍ତ୍ତନ ସହିତ ମୁକାବିଲା କରି ଜନସଚେତନତା ସୃଷ୍ଟି କରିବାର ମୁଖ୍ୟ ଲକ୍ଷ୍ୟ ରହିଛି। ଏହି କାର୍ଯ୍ୟକ୍ରମକୁ କର୍ପୋରେଟ ସୋସିଆଲ ରେସପନସିବିଲିଟି ବିଭାଗ ଏବଂ ପରିବେଶ ପରିଚାଳନା ବିଭାଗ ଜେଏସଡବ୍ଲ୍ୟୁ ବିପିସଏଲ ଦ୍ୱାରା ଆୟୋଜନ ଓ ପରିଚାଳନା କରାଯାଇଥିଲା। ଏଥିରେ ଲପଙ୍ଗା ସ୍ଥିତ ସରସ୍ୱତୀ ଶିଶୁ ମନ୍ଦିର ଓ ଲପଙ୍ଗା ସ୍ଥିତ ସରକାରୀ ହାଇସ୍କୁଲର ସମୁଦାୟ ୫୧ ଜଣ ଛାତ୍ରଛାତ୍ରୀ ମାନେ ଅଂଶଗ୍ରହଣ କରିଥିଲେ। କାର୍ଯ୍ୟକ୍ରମରେ ଛାତ୍ରଛାତ୍ରୀ ମାନେ ନିଜର ପ୍ରତିଭାପୂର୍ଣ୍ଣ କଳାତ୍ମକ ଅଭିବ୍ୟକ୍ତ କରି ଗୁରୁତ୍ୱପୁର୍ଣ୍ଣ ପରିବେଶ ସମସ୍ୟା ଏବଂ ପୃଥବୀକୁ ସୁରକ୍ଷିତ ରଖିବା ପାଇଁ ସକ୍ରିୟ ପଦକ୍ଷେପ ଉପରେ ଚିତ୍ର ଆଙ୍କି ଥିଲେ। ସମସ୍ତ ଅଂଶଗ୍ରହଣକାରୀ ମାନଙ୍କୁ ଖାଦ୍ୟାନ୍ନ ବିତରଣ କରାଯିବା ସହିତ ମାନପତ୍ର ଦିଆଯାଇ ଉତ୍ସାହିତ କରାଯାଇଥିଲା। ଆଗାମୀ ଦିନରେ ମଧ୍ୟ ଜେଏସଡବ୍ଲ୍ୟୁ ବିପିସଏଲ ପକ୍ଷରୁ ପରିବେଶ ସଚେତନତା ସୃଷ୍ଟି ଓ ଜନସଚେତନତା ଉପରେ କାର୍ଯ୍ୟ ଜାରି ରଖିବ ବୋଲି କମ୍ପାନୀ ପକ୍ଷରୁ ସୂଚନା ଦିଆଯାଇଛି।
Comments are closed.