ବାଲିଆପାଳ: ସାଧାରଣ ନିର୍ବାଚନ ପାଇଁ ତାରିଖ ପାଖରେ ଆସୁଥିବା ବେଳେ ବିଜେଡ଼ି ପ୍ରଚାର ଜୋରଦାର କରିଛି। ଆଜି ବସ୍ତା ନିର୍ବାଚନ ମଣ୍ଡଳୀର ବାଲିଆପାଳ ବ୍ଲକର ବାସୁଦେବପୁର ପଡ଼ିଆରେ ବିଜେଡ଼ିର ଷ୍ଟାର ପ୍ରଚାରକ ୫ଟି ଅଧ୍ୟକ୍ଷ ଭିକେ ପାଣ୍ଡିଆନ ବସ୍ତା ନିର୍ବାଚନ ମଣ୍ତଳୀର ବିଧାୟିକା ପ୍ରାର୍ଥିନୀ ସୁବାସିନୀ ଜେନା ଓ ବାଲେଶ୍ବର ସାଂସଦ ପ୍ରାର୍ଥିନୀ ଲେଖାଶ୍ରୀ ସାମନ୍ତସିଂହାର ପାଇଁ ମାରାଥନ ପ୍ରଚାର କରିଛନ୍ତି। ଏହି ଅବସରରେ ଶ୍ରୀ ପାଣ୍ଡିଆନ ବସ୍ତାରେ ୬୦ ହଜାରରୁ ଅଧିକ ଭୋଟରେ ବିଧାୟକ ପ୍ରାର୍ଥୀ ସୁବାସିନୀ ଜେନା ଓ ଲେଖାଶ୍ରୀ ସାମନ୍ତ ସିଂହାରକୁ ଜିତାଇବା ପାଇଁ ଅନୁରୋଧ କରିବା ସହ ବସ୍ତା ନିର୍ବାଚନ ମଣ୍ଡଳୀକୁ ଏକ ନମ୍ବର ନିର୍ବାଚନ ମଣ୍ଡଳୀରେ ପରିଣତ କରିବା ପାଇଁ ଘୋଷଣା କରିଥିଲେ। ବାଲିଆପାଳରେ ପ୍ରସ୍ତାବିତ ବନ୍ଦର ଓ ପେଟ୍ରୋକେମିକାଲ ନିର୍ମାଣ ହେଲେ ବହୁ ନିଯୁକ୍ତି ସୃଷ୍ଟି ହେବା ସହ କେହି ବିସ୍ତାପିତ ହେବେ ନାହିଁ ବୋଲି ଶ୍ରୀ ପାଣ୍ଡିଆନ ପ୍ରତିଶୃତି ଦେଇଥିଲେ। ବାଲିଆପାଳ ସୂତାକଳର ପୂନରୁଦ୍ଧାର, ବାଲିଆପାଳ ସ୍ୱାସ୍ଥ୍ୟକେନ୍ଦ୍ରକୁ ସୁପରସ୍ପେଷାଲିଷ୍ଟରେ ପରିଣତ, ବସ୍ତା ବାଲିଆପାଳ ପର୍ଯ୍ୟଟନସ୍ଥଳୀର ଭିତ୍ତିଭୂମିର ବିକାଶ, ୯୦ ପ୍ରତିଶତ ଲୋକଙ୍କୁ ଜୁଲାଇରୁ ବିଜୁଳି ବିଲ୍ ଛାଡ, ସ୍ୱୟଂ ସହାୟିକା ଗୋଷ୍ଠୀର ମହିଳା ମାନଙ୍କୁ ପେନସନ ବ୍ୟବସ୍ଥା ସହିତ ଏହି ସବୁ ଯୋଜନା ନବୀନଙ୍କ ଗ୍ୟାରେଣ୍ଟି ବୋଲି ପାଣ୍ଡିଆନ୍ କହିଛନ୍ତି।
Popular Categories
Previous article
Next article