ଭବାନୀପାଟଣା: ୟୁରୋପ ମହାଦେଶର ଉଚ୍ଚତମ ଗିରିଶୃଙ୍ଗ ମାଉଣ୍ଟ ଏଲ୍ବ୍ରୁସ୍ ଆରୋହଣ କରିବାରେ କଳାହାଣ୍ଡିର ପର୍ବତାରୋହୀ ରାହୁଲ ପଧାନ ସଫଳ ହେଇଛନ୍ତି। ଗତ ଅଗଷ୍ଟ ୧୫ ତାରିଖ ସ୍ଵାଧୀନତା ଦିବସ ଦିନ ମାଉଣ୍ଟ ଏଲବ୍ରୁସ ଶୀର୍ଷରେ ପହଞ୍ଚି ସେଠାରେ ସେ ଭାରତର ଜାତୀୟ ପତାକା ଉଡ଼ାଇଥିଲେ। ତାଙ୍କ ସହିତ ହିମାଚଳପ୍ରଦେଶ ଏବଂ ହରିୟଣାର ଦୁଇ ପର୍ବତାରୋହୀ ସାମିଲ ହେଇଥିଲେ। ପବନର ବେଗ ଅଧିକ ଥିବା, ବରଫପାତ ଭଳି ପାଗ ଖରାପ ସତ୍ତ୍ୱେ ପ୍ରତିକୂଳ ପରିସ୍ଥିତିରେ ସେ ଓ ତାଙ୍କ ଦଳ ମାଉଣ୍ଟ ଏଲବ୍ରୁସ୍ ଶୀର୍ଷରେ ପହଞ୍ଚିଥିଲେ
ଉଲ୍ଲେଖଯୋଗ୍ୟ, ଏହି ପର୍ବତାରୋହଣ ପାଇଁ ରାହୁଲ ଗତ ୬ ତାରିଖ ଦିନ ଏଠାରୁ ଦିଲ୍ଲୀ ଯାତ୍ରା କରି, ୯ ତାରିଖ ଦିନ ରୁଷ ଅଭିମୁଖେ ଯାତ୍ରା କରିଥିଲେ। ପରେ ୧୪ ତାରିଖ ଦିନ ଟ୍ରେସକୋଲ ବେସକ୍ୟାମ୍ପରୁ ବାହାରି ୧୫ ତାରିଖ ଦିନ ୧୦ ଟାରେ ୫୬୪୨ ମିଟର ଉଚ୍ଚତା ବିଶିଷ୍ଟ ମାଉଣ୍ଟ ଏଲବ୍ରୁସ୍ ଶୀର୍ଷରେ ପହଞ୍ଚିଥିଲେ। ସଦର ବ୍ଲକ ଅନ୍ତର୍ଗତ ଦେପୁର ଗାଁର ବ୍ୟାସଦେବ ପଧାନ ଏବଂ ଆରତୀ ପଧାନଙ୍କ ପୁଅ ରାହୁଲ ପୂର୍ବରୁ ରାଜ୍ୟ ଓ ଦେଶର ଅନେକ ଗିରିଶୃଙ୍ଗ ଆରୋହଣ କରିଛନ୍ତି। ରାହୁଲ ସଫଳତାର ସହ ମାଉଣ୍ଟ ଏଲବ୍ରୁସ୍ ଆରୋହଣ କରିଥିବାରୁ ବିଭିନ୍ନ ମହଲରୁ ତାଙ୍କ ପରିବାରକୁ ଶୁଭେଚ୍ଛାର ସୁଅ ଛୁଟୁଛି।
Comments are closed.